يدخل القسم ....يخرج ميت ... مين اللي موته .. هو اللي موت نفسه
أثناء ما كنت أتابع بعض البرامج الشريفة على الفضائيات والتي تهتم بقضايا الشعب لفت نظري هذة الحلقة التي تحكى قصه شاب اسمه
أحمد صابر سعد
وكما يحكي أحمد عز محامى هذا الشاب الذي لم يتجاوز 21 عاما من عمرة أنه تم القبض عليه في قضية اتجار مخدرات وحكمت المحكمة بخروجه بكفالة 100 جنيه
ولكن فوجىء أصدقاء وأهله والمحامي بغير ذلك عند الأفراج على هذا الشاب من قسم العمرانية بالجيزة وجدوه خارج القسم وفى غيبوبه تامة
تتسأل .. خرج لوحده من القسم والغيوبه اللي جات له دي منين ... والضرب والجروح اللي في جسمه منين ؟؟ متعرفشى
المهم
أصحاب أحمد أخدوه على مستشفى الهرم لكي يتلقى العلاج اللازم ولكن كانت المنيه تسبقهم فتوفى احمد في العناية المركزة
خلاص لحد كدا
الشاب اللي عنده 21 دخل القسم وبعدها بكام يوم خرج ميت
تعالوا نسمع كلام وزارة الداخليه والأم التي كادت عيوننا تبكى لحالها وأخت الضحية وصديقه
يقول السيد اللواء أحمد ضياء الدين
قد تحدث تجاوزات وانتهكات ولكني بعزي الأم الحزينة في مصابها وأقول لها ليس مصابك وحدك ولا يمكن أن ننسلخ وتأكدي أننا معكى وبعيد عن الأخ المحامى نحن محاميك إذا كان هناك حق لكي
ونحن باسم الوزارة نعزى الأم الحزينة ونحن ملتزمون بمسانده العدالة
ولكن ننتظر لحين ورود تقرير الطب الشرعي
لان وزارة الداخليه ليست حماية لأحد من الوزارة
قاطع المذيع سيادة اللواء : لالالا ثواني مش كل ما تشاركنا تقول لنا الكلمتين دول .. اقعدوا مع الظباط بتوعكم وعرفوهم يشتغلوا ازاى
رد اللواء
الكلام دا مش مكرر ولكن الحوادث هي التي تفرض نفسها . وهى مجرد تجاوزات بتحصل كل يوم . وإذا ظهر ظابط انه مخطأ إحنا أول ما نعرضه على العدالة .
لكن نقعد مع الظباط أنت بقى مش عارف البرنامج اللي لازم اعرضه لك على الهوا
ولكن مهما عملت مش هتقدر تمنع المخالفات ولك على في هذة الحالة أن أجرى التحقيقات فيها
ولن نترك حق أحمد يضيع أبدا في حاله وجود متهم
ويعنى السيد اللواء قال كلام كتير وهتلاقوه هنا في الفيديو دا
وبعد ما الأم سمعت الكلام اللي أتقال من اللواء المحترم
قالت
ردا على السؤال . ... هل انتى حاسة إن الجاني هياخد عقابه ؟؟
قالت لا ما اظنتش .. في ظلم ... وللضعيف ملوش حق ... ولو أنا لي حد كان خرجه من أول يوم ... وفى ناس بتدفع فلوس وبتخرج ولو معاها إيه
ومش هقول غير
حسنى الله ونعم الوكيل
في كل اللي عذب ابني واللي موت ابني
صديق الضحية قال :
إن عمر ما وزارة الداخليه هتا خد حق لينا لان الظلم زاد والضرب زاد
وبيعاملونا كأننا مش بشر ... وكأنهم هما بشر وإحنا من نوع أخر تانى
ولما أتسأل .. ليه أنت مروحتش القسم وتطمن عليه ؟؟
قال أنهم أصلا الأمن قالب الدنيا عليه وهو أصلا ملوش اى علاقة غير إن الضحية أحمد كان يعرفه
الغريب إن السيد اللواء اتصل تانى
شيء غريب
قال
إن الضحية كان في حاله هيااااااج وقام بالتهجم على المحجوزين .. كل دا لا يسرد على انه حقائق ولكن نتريث
ولكن كل هذا انه متعاطى ومحرز لا يبرر الموقف ولكنه كان فى حاله هياج على المحجوزين وإثناء ترحيله
في هذة الحظه قاطعه المذيع وقال له
إذن يبقى أحمد يا سيادة اللواء موت نفسه
وساعتها رد عليه اللواء قال مش بحب أسلوب التهكم والسخرية
وبعدها رد المذيع والله ما ينفع الطريقة في الحوار دي
المذيعة ردت برد جميل
نفترض أن الضحية كان هايج وكان متعاطى . القسم مش برحله لمستشفى وازى هو خرج كدا من القسم وهو في الحالة دي
طبعا الكلام معجبش أخت الضحية اللي كانت موجودة من أول يوم دخول الضحية المستشفى
قالت مش من الطبيعي إن أكون اللي بضرب وبنضرب في نفس الوقت
مش من الطبيعي إن أكون اضرب ويكون في أثار الضرب في كل جسمي
وحكت إن في واحد جه لها في المستشفى وقال لها
أنا واحد مليش دعوة بالقسم بس اخوكى كان عصبي جدا وبسبب العصبية دخل في غيبوبه
ردت أخت الضحية عليه وقالت له
طبعا دا كان كلام ساذج جدا
هتقول لي أخوى عصبي دخل في غيبوبه
هسألك أخوى ازاى أترمى برا على الرصيف وهو في غيبوبه
رد الباشا اللواء
الأخت الفاضلة هبه عزاءنا لها
بس الكلام اللي قالته دا رائيها فقط والأخ إلى جاه لها رائه بردة والأخ صديقه رائه بردة وكل واحد ويجتهد
والنيابة هي صاحبه الشأن الأخير . ونحن معها
وكرر الكلام تانى
ليس هناك مبرر يجعل وزارة الداخليه تتستر على اى ظابط تعدى على أحد .
وينتظر الآن تشريح الجثة وانتظار تقرير الطب الشرعي ومن المفترض والوقوف دقيقه حداد على روح الضحية على باب المستشفى
دا جزىء للحوار
.................................................................................
لا تعليق
بجد لا أملك أن اعلق على حالنا وحال الشعب المصري
وبترك للناس التعليق
وان شاء الله بنحاول نسجل مع أم الضحية وأهله ويكون لنا تعليق
وياريت
مصريين ضد التعذيب
يلا نفضحهم
كل مدون حر
كل جمعيات الدفاع حقوق الانسان
تشارك الأم وأخت الضحية في عزائها
لأنهم في انتظار تشريح الجثة ودفنها
ونراكم على بلطجة جديدة
بطلها .. المواطن المصري
والمتفرجون .. الشعب المصري
واللي واقفين على شباك التذاكر ... ظباط امن الدولة والداخلية
اسلام نبيه امبارح ياخد 3 سنين ونفرح
ردحذفوالنهاردة ضحية تانية واسلام نبيه تاني
كم ضحية وكم اسلام نبيه فيكي يامصر
حسبي الله ونعمة الوكيل
حسبنا الله ونعم الوكيل
ردحذفقولوا يا ناس لامن الدولة عمر الظلم ماقوم دولة
وبعد ذلك ؟؟
ردحذفما اكثرها فيديوهات تعذيب
وما اكثرها في مصر
وما اكثر الاهانة
الضرب على ( القفا ) الضرب على الوجه
ما اكثره خلع الملابس وكشف العورات
واعتقد ان الجميع قرا عن اعراض انتهكت هناك
كل هذا كلام معاد
نعم مصاب رهيب للمجني عليه واهله ولمصر كاملة
ولكن لماذا لا يئن الا شخوص محددة
اين البقية
لماذا لا يتالم بقية الجسد
لماذا لا تبكي العيون
لم نعد امة واحدة
ولمن نعد مثل المؤمنين في توادهم وتراحمهم وتعاطفهم مثل الجسد إذا اشتكى منه عضو تداعى له سائر الجسد بالسهر والحمى
اتعلمنا نحب ذاتنا فقط ونعرف مصلحتنا فقط وننصب ونرشي ونغش وسميناها شطارة وفهلوة
وبقى العمل عبادة والصلاة تضييع وقت وكروت يا عم الحج الدنيا مش طير وبقى الستة البيض والنوافل قصر ياعم الحمدلله اني بصوم رمضان
ده مش كلامي ده تعليقات سمعتها بودني !!
اتعلمنا نبقى بلا ادب مع خالقنا كيف بنا مع خلقه ؟؟
للاسف مش الشرطة بس وحشة لا الشرطة اساسا من الشعب
والشعب فيه بيوت موحلة كلها مستنقعات بيتجمع فيها كل ما هو قذر وفاسد
طول ما احنا بنتناسى نصلح البيوت ديه
وكل ما كل اب شايف ان تربية ابناؤه هوه كتشي نايك وتي شيرت اديداس والايه يو سي
وكل بنت تربيتها في انها تحلو للعريس
يبقى خراب يا مصر
الاخ الكريم احييكم على مدونتكم الهادفة
ننتظر بجانب هذه الماسي حلولا عملية
ننتظر كيف نربي اسلام ليكون اسما على مسمى والا يكون مغتصبا اخر
بوركتم
لا اله الا انت سبحانك اني كنت من الظالمين
ردحذفحسبنا الله ونعم
ردحذفهذه هي احدي وسائل الحكومة التي تظهر مدي استخفافها بالشعب وهذه ايضا احد الاساليب التي تعبر بها الحكومة عن رايها تجاه هذا الشعب يعني من الاخر الحكومة بتقولنا اللي ها يفتح بقه مصيره كذا اللي مش ها يسمع كلامنا مسيره يعني من الاخر الدولة أصبحت دولة بوليسية وليست دولة مدنية
وكل اللي الحكومة بتعملوه دة من الاخر رعب للشعب في حال وجود عملي توريث الشعب يخاف وما يكلمشي واللي بيكلموا دلوقتي ومن زمان وواقفين للحكومة هاما بس اللي ها يفضلوا يكلموا لكن يجب ان يصحي الشعب بقي ويفوق ونقذ نفسه بنفسه وما يستناش حد يقف بداله
وحسبنا الله ونعم الوكيل في جمال وابوه والحزن الوطني كله وكل فاسد فيكي يامصر نسال الله تعالي إما أن يهديم أو يأخذهم
اذا كان ليه حق فعلا يبقى حسبى الله ونعم الوكيل وربنا عمره مابيضيع حق مظلوم وربنا يصبر اهله
ردحذفبس مش عارفه مش مقتنعه بحاجه
انا عارفه ان فى الاقسام بيحصل ضرب واهانه وبلاوى سوده بس افتكر ان طريقة الضرب بتبقى بطريقه معينه بحيث متسبش اى اثر ومتموتش عشان ميبقاش فيه دليل والناس عارفه كويس ازاى تضرب ومتموتش
بس الله اعلم بردو وربنا يرحم اللى مات
/*
قولوا يا ناس لامن الدولة عمر الظلم ماقوم دولة
احنا فى مظاهره ولا ايه ؟؟؟
عموما مع احترامى ليك او ليكى عمر الشعارات ماعملت حاجه حتى ايام الاحتلال بردو مافيش منشورات ولا شعارات ولا حتى مظاهرات خرجو عسكرى واحد من البلد
*/
ياشاعر وقت ماتشوف الرد بستأذنك تتدخل مدونتى عشان فيه تاج هناك ليك لشوية اسئله لذيذه
سلاموز
منهم لله الظلمه
ردحذفاكيد حيقولوا انتحر او موت نفسه عشان ضميره انبه
حسبي الله ونعم الوكيل
اخر بوست عندي
المواطن المطحون: نسمات
بنت الاسلام .. مشكورة على المرور الطيب
ردحذفبس هو اللى انا اكتشفته
انا مصر كلها نموذج لأسلام نبيه وعماد الكبير
وحسبى الله ونعم الوكيل
بنت من الاخوان
ردحذفهو فعلا عمر الظلم ما قوم دوله
الحوارء
ردحذفايديك فى ايدنا
ويلا نربى فى جيلنا
علشان فااااض بينا الكيل والله
نورت المدونه والله
اخونا صاحب مدونه حكايتنا
ردحذفمشكور على المرور الطيب
البيت المصرى
ردحذفانت البيت المصرى
ولا عاد بيت
ولا عاد مصرى
البيت اتخرب
والمصرى اتهان
فاضل ايه؟؟
اخت دينا
ردحذفمعتش فى اى حياء
ولا اى كنترول
طيب انتى سمعتى عن البوكس اللى دهس واحدة
وبأمر من الظابط
تقولى دا في ايه؟؟
ياستى هنخش عندك
وان شاء الله
ارد على التاج
ومشكورة
ومبرررررررررروك على الخطوبه
عصفور
ردحذفيامواطن يامطحون
منور
معلشى حاسه انك مش مستريح لكلامى
ردحذفبص انا معاك فى كل اللى بتقوله والله وعارفه اللى بيحصل بس ياجماعه لازم نبقى اعدل من كده شويه لان اذا اى حد فكر فى الانسان اللى مات هيلاقى انه ممسوك فى قضية مخدرات يعنى وارد جدا انه يكون كان شارب او متعاطى اى حاجه واتهور على حد والله اعلم بردو
اللى عايزه اقوله بس بلاش الحكم الظاهرى على الامور او الحكم من منطلق ان البلد بايظه بايظه يبقى اكيد الحكومه اللى غلطانه
معرفش ده اللى عندى وده اللى مقتنعه بيه ومتعودتش انى افضل طول مانا عايشه اقول البلد والحكومه وبيعملو وبيعملو ياجماعه كل دول العالم فيها كده وفيها كده واحنا المفروض من مصلحتنا نعرف الحقيقه فين مش نشحن نفسنا وخلاص
سلام
معاكى بعض الحق يادينا
ردحذفبس خلينا نشوف الوضع العام
بصى
خليكى انتى
فى الجامعه
او فى
الشغل
او فى الشارع
وقولى رايك
او اعترضى على شىء مش عاجبك
وشوفى رد الفعل بيكون ايه
وانا قلت لك على الست اللى ماسكه فى البوكس
مش عاوزاهم ياخدوا اختها اللى متهم جوزها مش هى
الظابط قال للولد دوسها
داسها
الواد
ماتت
دى ذنبها ايه
جوزها
ابن ستيت فى سبعين
ويستاهل الحبس
هى تموت ليه
تعالوا مثلا
لعماد الكبير
واد بلطجى وابن كذا وكذا
اقصد يعنى مش اللى هو الاخوان اللى ورا السجون من غير تهمه
دا يتسجن
مش ينتهك عرضه
ويتصور وكل البشر يتفرج
تعالى للحادث بتاعنا
انا قلت
ان احنا منتظرين التقرير بتاع الطب الشرعى
اللى دايما الداخليه بتتدخل فيه
زى الطفل
بتاع المنصورة عندنا
واكيد حضرتك عارفه اللى حصل
يعنى اقصد اقول
منتظرين التقرير
وهو اللى بيعملوه الداخليه
معاى
ودى مشكله
وانا نقلت الخبر زى ما جه على التلفاز
ولسه معلقتش
وقلت لالالالالالالالالالا تعليق
لحين يوم الاحد بسافر للمكان ولأهل الضحيه
وان شاء الله نعرف الحقيقه
وشكرا للمتابعه
في زمن وفي بلد لم يعد فيهما للانسان اي قيمة او اي حقوق
ردحذففلا تستعجب ان يحدث اكثر من هذا
وهذه الحالة ليست الاولى من نوعها ولكنها التي اعلن عنها
فكم من مصريين كثيرين يدخلون السجون المصرية دون ذنب قد ارتكب او من غير تهمة اتهم بها
ولا يعلم عنهم احد شيئاً فأين هم هل قتلوا ام انهم مازالوا يعذبون خلف الاسوار حتى يموتوا
ام اين هم ومتى سيعلن عنهم مثل هذه الضحية التي تحت ايدينا
كان الله في عون اهله
ولا نملك الا ان نقول حسبنا الله ونعم الوكيل
و الله يا شاعر هقلك اية
ردحذفهي دي الحكومة
و حسيبي الله و نعم الوكيل
الجمعاوى الاصيل
ردحذفوشمس
منورين والله المدونه
وحسبنا الله ونعم الوكيل