مدونه محمد الشاعر

مؤشرات التزوير تلوح فى الافق مع أقتراب الانتخابات المحليه فى مصر بعد تأجيلها عن خوفا من شعبيه الاخوان المسلمين التى زادت بعد نجاح 88 عضوا من الاخوان فى انتخابات مجلس الشعب 2005 ومع أعلان الاخوان المسلمين دخولها انتخابات المحليات وقبل أعلان الدخول الكل يرى حجم التضييق على الاخوان من أعتقالات وغيره لأعضاء جماعه الاخوان وان دل هذا فا يدل على النية المسبقة للتزوير فى هذه الانتخابات وانا استرجع بذاكرتى واقلب فى دفاترى وملفات جهازى لا أجد الا هذه الكلمات لأخى الشاعر / سيف بارك الله فيه حيث يصف لنا وكأنك ترى الانتخابات بعينك لنستمتع قفلى صناديق وانزلي ترويق واللى يعرضك اديها تلفيق نعمل اية فيكى يا داخلية وانتى عميلك مش طبيعية ترمى الواحد من عالكوبرى وتقولى يا لهوى فى غريق امنائك لا ضمير ولا زمة ظباطك ارهاب فى القمة قتل وضرب وفرض إتاوة ولا مرة فتحتى تحقيق يا حبيب ساكت لية على طول مش انت وزيرها المسؤل سايب رجالتك فى وسية عمالة تنهش فى المخاليق لا حكم قضائي بتحترمى فى المعتقلات الفات ترمى اخوان على حركات وطنية اية ما فى عندك تفريق ................................................................

فلسطين فى القلب ... والقدس فى القلب .. وكلنا غزة ايوة كانت فرحه مع المدونين وسط حشود المصريين ومع مدونين مقربين لقلبي فكانت الفرحة زيادة حبتين وإيه اللي يخليني أسافر من المنصورة للقاهرة وبالتحديد إلى وسط القاهرة حيث وسط البلد حيث قهوة البورصة حيث شباب المدونين المهم يعجز القلم وتعجز الكلام على وصف هذا اليوم الجميل بين المصريين عامه وبين البلوجريه خاصة وأنا كانت سعادتي من نوع خاص سعادتي بالمتضامن مع غزة نعم بمحمد أبو تريكه ليخرج إلى العالم اجمع ويقول أنا المتضامن مع أهلي واخوتى في غزة المهم خرجت الجماهير وخرج الشعب المصري إلى ميدان التحرير ولأول مرة ميدان التحرير يمتلىء بالناس وبالهتفات بدون اى امن لا شوفنا امن مركزي ولا شرطه ولا امن دوله إلا كام عسكرى وكام ظابط وهيعملوا ايه فى الحشد الرهيب دا المهم البلوجريه اتهدوا من الفرحه ومن الهتاف لمصر قلنا نقعد على النيل شويه نهدى أعصابنا كانت قعدة جميله على النيل بعدها اللى حب يروح روح وفى ناس قالت شويه المهم انا وحمادة زيدان يدوب لحقنا أخر مترو فى مترو الأنفاق وأنا يدوب دخلت المترو ابص يمين ابص شمال مفيش اى مكان اقعد فيه بصيت تحتى وافترشت الار