علي هامش زيارتى لجرحي غزة في الإسماعيلية

تبدأ الرحله من القاهرة وبالتحديد من وسط القاهرة من ميدان رمسيس وفي أثناء إنتظار باقى المدونين للحضور أترك انا وصديقي المهندس أحمد نيجر المدون الصباغ لنشتري بعض السندوتشات لنفطر عليها ونترك الصباغ بعدسه كامرته يلتقط بعض الصور للميدان ولم ينتبه الصباغ اننا في يوم الجمعه .. حيث وقفات ومظاهرات المساجد من أجل غزه

ولكن من حسن حظ الصباغ انه لم يصور مخبراً أو ظابط شرطه ولكن كل تصويره لقبه المسجد والمأذن ... الراجل مصري وحقه انه يصور معالم بلده .. ولا هى حلال للأجنبي حرام علينا وكتير اووى بنشوفه في وسط البلد اجانب بتصور بمنتهى الحريه

المهم

حضر كل المدونين وذهبنا لموقف الاتوبيس وبسرعه البرق وصلنا لمدينه الاسماعيليه وصلينا الجمعه فى مسجد بجور المستشفي كان خطيب المسجد أكثر من رائع فى حديثة عن غزة وبعدها صلينا صلاة الغائب على أرواح شهدائنا فى غزة وجمعنا صلاة العصر بالمرة

المهم

ذهبنا الي المستشفي ودخلنا للدور الثاني حيث الجرحي والمصابين وكان من الواضح من إدار المستشفى التضليل التام على عدد واماكن الجرحي .. مش عارف ليه

المهم

ألتقيت بشاب اسمه وفيق نحيف الجسم مصاب في رجله وريده وكان من أول المصابين فى أول يوم في ضرب مراكز الشرطه ولما أخبرته بأننا نحن الشباب والشعوب موقفنا غير حكومتنا قالي نعلم ذلك جيدا

بعد ذلك ألتقيت بجريح من الشجاعيه اسمه صالح وتعجب الحضور عندما دخلت مسرعا وقبلت هذا الشاب وسط كلمات الحضور التي تحمل فى ثنايها كل الحب والتقدير

بعد ذلك ذهبنا لمستشفي بها جريح فى العنايه المركزيه ومن علي بوابه المستشفي طلت علينا بوادر الرحله ... محدش يطلع

طب ليه .. المهم طلعنا ودخلنا وبعد ما سلمنا على الاخ اللى موجود طلع هو اخو الجريح

الجريح في العنايه المركزة

ويطلع علينا واحد يقول بطايقكم .. ليه؟؟ ميجاوبش

اللى طلع فينا البطاقه ولكن انا قلت له ممعيش بطاقه .. معاى كرنيه الكليه ينفع .. خد الكرنيه

وانا بسأل هو ذنبنا اننا قطعنا المسافات علشان نزور الجرحي .؟؟؟؟

ولا ذنب الجريح انه من حماس؟؟

وحسبنا الله ونعم الوكيل

ولكن فى المجمل كم كان يحمل قلبى من فرحه عارمه بهؤلاء المدونون العمليون الذين قطعوا المسافات الطوال من شباب وبنات حتي يخففوا بعض الألم عن أخوانهم من الجرحي

فشكر لكم ايها المدونون الشرفاء

والشكر موصول لخالو الصباغ على دعوته للمدونين وعلي فكره بعض الصور منقوله بعدسه الصباغ لأن كامرتي عملتها معاي يوميها

ونترككم في امان الله

تعاطفا مع غزة .. بعدسه الصباغ

من ميدان رمسيس .. بعدسه الصباغ

نعم الصحبه ونعم المدونين ... ربنا يبارك فيكم ... في الخلفيه بتاع امن الدوله اللى اخد الكارنيه

حسبنا الله ونعم الوكيل فيه وفي كل اللى زيه

على الهامش : رغم كل الدمار الذي حل بغزة .. وبعد وقف اطلاق النار ... العزة والنصر لغزة وللمقاومه