التخطي إلى المحتوى الرئيسي

مدونات مصرية للجيب ... كلاكيت تاني مرة


بحضور جمع طيب من المدونين أمس يوم السبت الموافق 23/8/2008 أحتفل جموع المدونين بإصدار العدد الثاني من كتاب مدونات
مصرية للجيب بساقية الصاوي
وأنا بكل صراحه لسه لم أقرأ الكتاب بعد ... بس من الغلاف والأخراج الداخلي ومكان التوقيع واضح جدا ان فريق العمل متميز وان العدد الثاني تفادى أخطاء العدد الأول واكيد هنقول رأينا وبكل صراحه فى العدد الثاني من باب النقد البناء علشان نكون أجمل واحسن في عيون الناس
مش عاوز اتكلم كتير ... كام صوره للحفل علي السريع


أحمد مهني من فريق العمل وبدايه الحفل وتغطيه إعلاميه من قناه دريم برنامج العاشرة مساءا

بعض المدونين المشاركين فى العدد الثاني للكتاب
تجربة موقع أبناء مصر ... وحلم المدونين يتحقق لواقع

ايناس لطفي ... من فريق عمل الكتاب


توقيعي لبعض أحبابي المدونين اللى كنت سعيد جدا بمعرفتهم ... على الرغم ان مليش حاجه في الكتاب
الساعاتي .. وخبيب ... وقع لنا ياشاعر
صديق لي من القاهر بس مش مدون .. بس مسيحى .. اعتز بالصداقتك يافريد
زحمه .. وجانب من الزحمه
الحضور .. وجانب من الحضور

خالو الصباغ ... وحوار تلفزيونى على الماشي ..انا قلت انك إعلامي مش مصدقني

بعدسة خالو الصباغ ... تسلم ياخالو ويسلم ظلك الخفيف
محمد الشاعر
25/8/2008

تعليقات

  1. تخيل بقى إني كنت عايز أقابلك ! مش عارف إزاي ماتقابلناش ، لكن الجايات أكتر إن شاء الله :)

    ردحذف
  2. دكتور واستاذ ومعلم طول عمرك ياريس

    انا بقى اخدت لك حتة دين صورة

    هتشوفها فى التغطية

    صورة على حين غفلة كدة وانت منهمك فى التصوير

    تحياتى ليك

    احمد

    ردحذف
  3. أحمد كمال

    ياراجل ده انا ما كنتش شايف غيرة

    ههههههههههههههه

    ردحذف
  4. im here because of few cents for you. just dropping by.

    ردحذف
  5. تسلم ايدك يا شاعر
    اول تغطية اشوفها بعد الموجودة في موقع مدونات مصرية للجيب
    تسلم ايدك
    ومستنيين نقدك البناء ووعد تام باخذة في منتهى الحسبان
    والعدد الجاي لازم اشوفك
    سعيد جدا بحضورك
    والله نورتنا

    ردحذف
  6. وأرى هنا صورة صديقي وحبيبي
    شريف بن عبد العزيز
    كم حزنت لعدم الحضور
    جزاك الله خيرا يا محمد

    ردحذف
  7. لك مني خالص التحيه يا صديقي
    كنت متألق كعادتك

    ردحذف
  8. السلام عليكم
    إزيك يا شاعر
    نفسى اشوفك يا شاعر احنا كده اخر مرة و كانت اول مرة برضه (ههههه) اتقابلنا فيها من 4 شهور

    بس انت من الناس اللى تتحب بسرعة والله

    ---
    على فكرة أنا بدأت أدون زى ما نصحتنى يومها
    الأن على مدونة خشاب
    khashab.blogspot.com
    أنا إخوان ... أنا أشرب كوكاكولا
    ---
    و جزاك الله خيرا يا حبيبى

    ردحذف
  9. الف مليون مبروك

    للاسف مش عرفت اجي

    كان عندي درس
    :((

    ردحذف
  10. تشرفت بلقائك
    وإن كان لقاء بسيط
    طان أن ناولتني ورقة وقلم وطلبت ايميلي واسم مدونتي.

    أقبلني زائر دائم لديك اذا سمحت

    تحياتي
    أسامة

    ردحذف
  11. ماشاء الله الصور حلوة والتغطية ممتازة

    كالعادة واليوم كان هايل

    عقبال العدد الجاي انشاء الله

    تحياتي

    ردحذف
  12. ماشاء الله تغطيه جامدهكان نفسى احضر
    بس الظروف

    خيرها فى غيرها

    ردحذف
  13. اه كده

    خليك معانا اون لاين كده على طول

    ربنا يكرمك يا شاعر يارب

    ردحذف
  14. كان نفسى اقعد معاكم واتصور معاكم زى اى حد
    قدر الله وماشاء فعل
    احمد مهنى

    ردحذف
  15. الف مبروك إن شاء الله من نجاح إلى نجاح

    وليد

    ردحذف
  16. ايه ياباشا الحلاوه دى

    كان يوم جميل فعلا

    لولا تكسيحه المشوار

    :d

    بس كل كتاب وانتا طيب
    والمره الجايه تكون فى الكتاب ان شاء الله

    عشان برده توقع بمزاج :d

    ردحذف
  17. كل عام وانت بالف خير انت والمدونين واحشني ربنا يكرمكم
    تتعوض

    ردحذف
  18. سلام عليكم

    بجد كان نفسى اكون موجود

    بس يلا
    ان شاء الله نتواجد فى توقيع ديوان لحضرتك قريب

    تحياتى

    تقبل مرورى
    كفاح احمد

    ردحذف
  19. السلام عليكم ورحمة الله وبركاته

    كل عام وأنتم بخير
    كل عام وأنتم صائمون
    كل عام وأنتم مصلون
    كل عام وأنتم قائمون
    كل عام وأنتم قانتون
    كل عام وأنتم متصدقون
    كل عام وأنتم مغفور لكم
    كل عام وأنتم معتمرون
    كل عام وأنتم قائمون ليلة القدر
    كل عام وأمتكم الإسلامية منتصرة

    اللهم بلغنا رمضان وأهلّه علينا بالسلامة والإسلام واليمن والبركات والنصر والتمكين

    أخوكم
    سعيد

    ردحذف
  20. كل سنة وانت والأسرة الكريمة طيبين وبخير

    ورمضان كريم

    بعودة الايام

    اللهم بلغنا رمضان وانت راضٍ عنا

    تقديرى ومحبتى

    أحمد

    ردحذف

إرسال تعليق

تعليقك يهمنا...
لو لم تملك حساب للتعليق .. إختار مجهول .. ووقع في نهاية التعليق

المشاركات الشائعة من هذه المدونة

تعالوا نحلم نبقى كبار

تعالوا نحلم نبقى كبار اسم اغنيه وجدتها على النت للفنان مصطفى محمود وكتير رجعت بذاكرتى الى الوراء فعلا ايام ما كنت صغير كتير حلمت أمتى أكبر وكتير حلمت أكون حاجات كتيرة بس للأسف انا لما كبرت دلوقتى وشوفت الذل اللى بنعيشه وجدت لسان حالى بيقول تعالوا تبقى صغار على الاقل مش هنفكر فى وضع البلد هنعيش الحياة بطولها وعرضها من غير تفكير فتيجوا نهرب شويه من الواقع اللى احنا فيه شويه مش على طول ولو دقيقه كدا كتير دقيقه طيب اوك نخليها 5 دقايق ونحلم نبقى صغار وهل كان حالنا زى الحال واحنا كبار ويلا سلام واسيبكم مع الاغنيه اللى انا حسيبت بأيام طفولتى وكم أحن اليها تعالوا نحلم نبقى كبار

يوم ميلادى وميلاد مدونتى

عيد ميلادي وعيد ميلاد مدونتي اليوم الموافق 12/7/2008 هو الموافق ليوم ميلادي ... وبذلك يكون قد مر من عمري ثلاثة وعشرون عاما ً وقد يحسب الجميع أنني كبُرت سنه أو زاد من عمري سنه وأنا أقول أنى صغرت سنه نعم قل عمري وأقترب أجلي ... أقترب ملك الموت مني تبكي العين علي مرور العمر وحالنا كما هو ... لا يتغير ولا يتبدل تعتصر القلب ألماً عندما يمر العمر .. وهو بعيد عن ربه .. وعن أحبابه ولكن ...... نسأل الله رب العالمين أن يتقبل كل أعمالنا ... وأن يجعلها خالصة لوجه الكريم ونسأل الله أن يغفر لنا كل ذنوبنا ويعفو عنا ... ويرحمنا برحمته وواسع فضله ولكل أحبابي ....... أسألكم أن تدعو لي ... وأن تسامحونا أن صدر مني شيء أغضبكم عيد ميلاد مدونتي...... 15/7/2007 هو تاريخ ميلاد مدونتي علي البلوج سبوت وفي الحقيقة أنا أدون وأراسل مواقع من عام 2005 ولكن فعليا على يكون قد مر على انضمامي لركب المدونين عام كامل عام ....... تعرفت من خلال مدونتي علي خيره شباب مصر المخلصين ... لكم مني تحيه وتقدير تعرفت من قريب ومن بعيد علي أفكار الآخرين .. كل ذلك من خ

رمضان ورحلة التغيير

السلام عليكم ورحمه الله وبركاته كل عام وأنتم لله أقرب وعلي طاعته أدوم رمضان شهر التغيير .. هل يختلف أحد علي هذا ... أعتقد الكل يتفق علي ذلك ولهذا فشعاري طوال هذا الشهر رمضان ورحلتي للتغيير التغيير إلي الافضل ايمانيا مع الله اجتماعيا مع الاهل والاقراب مهنيا في عملي ثقافيا مع عقلي كل هذا في رمضان ورحلتي للتغير ومن هنا أدعو الجميع ان يكون من رمضان رحله تغيير كل عام .. انتم طيبون .. لله قريبون محمد الشاعر ... 31/8/2008