عندما تبكي أمي

ألو .. السلام عليكم .. أزيك ياأمي عامله ايه أخباركم ايه ؟؟

الحمد لله ياحبيبى ... أنت عامل ايه ؟؟

انا بخير والله والحمد لله .. انتى عامله ايه ؟؟

انا تمام ... انت منزلتش ليه .. وحشتنى يابنى .... ويبقف الكلام ويبدأ البكاء

جزء بسيط من حوار بينى وبين أمي ... حوار ينتهى بالبكاء والدموع

وكم يعلم الله أن دموع أمى غالية علي قلبي

فمن مدونتى أقدم أعتذارى لأمي .... واقول لها سامحينى

اناعارف ان ممكن واحد يقول لي انا مش فاهم حاجه ... او يقول هو في ايه؟؟

انا الابن الاكبر بين أخواتي .. وتجمعني علاقة حب شديدة بين أمي - ربنا يبارك لي فيها ولم تعتاد أمي على فراقي مدة طويله يعنى ممكن اقصها يوم يومين مش اكتر من كدا . وبعد تخرجى من الجامعه عملت في دار نشر فكان وجودى فى البيت يكان يوميا ولكن رزقنى الله بعمل أخر فى احدى الشركات ولكن الظروف تحتم علي ان اقيم فى مكان العمل وكان الفراق شديد على قلبي وعلى قلب أمي أكثر . ولكن كل اسبوع بنزل يومين فالموضوع هين شويه . بس الاسبوع اللى احنا فيه دا كان في ضغط شغل ومنزلتش للحاجه أم محمد ... وكانت المشكلة وكان البكاء

تحديث .. أهداء من حبيبى وصديقى الشاعر فارس الازهر

أمى
ومن غيرها
سماء ُ حياتنا
ونسيم عيشنا
ودفء قلوبنا
إن بكت
ترى الكون يبكى لبكائها
وإن ابتسمت تعانقت أغصان الوجود فرحا ً بفرحها
حقا ً
لاتجد قلبا كقلب الأم
لن تجد فى الوجود من يبكيك فى كل لحظة
فراق غير أمك
الكثير يبكينا عند موتنا
لأن هذا هو الموت
أما الأم فبكل شوكة نشاكها تبكينا
بكل ألم نتألمه تبكينا
بكل فراق ٍ يفرق بيننا تبكينا

وانظر معى
إن رحلت عنا الأم
فلن تبكيها وحدك
فالكون كله يبكيها
وتسمع مناديا يقول
ماتت التى كنا نكرمك من اجلها

من النص : الغربة وحشة ... وبحبك ياماما