تظاهر اليوم على سلالم نقابه الصحفيين مجموعه من الصحفيين والمدونين أحتجاجا على زيادة الاسعار . ورفع المتظاهرين لافتات تطالب بأن يكون الدخل الثابت للمواطن المصري 1200 جنيه لكي يواكب المعيشه بعد زيادة الاسعار . وهتف المتظاهرين وسط حشد أمنى كبير
هو مبارك عاوز ايه .. كل الشعب يبوس رجليه ؟؟
لا يامبارك مش هنبوس .. بكره الشعب عليك هيدوس
علي سور السجن وعلي .... بكرة الثورة تقوم ما تخلي
واللى يعلي في الاسعار ... يبقي عميل الاستعمار
عسكر عسكر عسكر ليه ...أحنا في حرب ولا ايه؟؟
كما طالب المتظاهرين بالافراج عن كل من
كمال فيومى و كريم البحيرى وطارق خميس
وتأتي هذة التظاهرات في وقت يتزامن مع أضرابات السائقين في مختلف المحافظات احتجاجاَ علي زيادة اسعار البنزين والسولار
وعلى جانب المدونين حضر كل من
محمد عادل
أحمد سعيد
حمادة زيدان
عبد الرحمن فارس
سارة
محمد الشاعر
واليكم جانب من الصور
تواجد أمنى مكثف
أنا تعبان ... لما سألته تعبان من أيه قال من حاجات كتير ... شفاك الله وعفاك ياششتاوي
شباب مصر ازاي يتجوز .... والله عندك حق علشان يشطب شقه ... لالا علشان يبنى شقه لازم يسرق 
عمنا عبد القدوس .. دايما موجود بالعلم والميكروفون بتاعه 
المدونين ... فارس وسعيد 
صورة من قفا المتظاهرين ... ووش العساكر 
حسنى بيه ياحسنى بيه .. سندوتش الفول بقى بجنيه .... لا والله ينهار ابيض .. حتى الفول امال هناكل ايه بعد كدا 
الغلاء نتيجه طبيعيه للاستبداد
علم مصر وخلفيه عساكر ... تحيا جمهوريه مصر العربيه العكسريه 
السلام عليكم
ردحذفصحيح لما الفول بقى بجنية
امال احنا هناكل ايه والشباب
يتجوزو ليه هي فلوس سايبة ولا ايه
ان شاء الله هايجي يوم ونقضي عليه هو وكل اللي على حسابنا عايشين وان ماكنش على ادينا يبقى ربنا قادر على كل شىء وحسبنا الله ونعم الوكيل
ربنا يكرمك على التغطية والصور
جميلة جدا
السلام عليكم
انا بجد مش عارف بعد الغلاء ده هنروح فين ..
ردحذفبيغلوا علي الشعب واعضاء مجلس اللي بيسموه مجلس الشعب بيزودوا المكافات الشهريه والسنويه ..
ياسبحان الله ... تلات اللاف جنيه بدل تليفونات في السنه والجلسه الواحده 125 جنيه ..
يا بلاش والله
واللي يغيظني ان محدش طلع قال انا بتنازل عن المكافات دي لاهل دايرتي مثلا او اي حاجه يحسس بيها اهل دايرته انه معاهم ... فعلا بجد سبحان الله ..
وربنا يصبرنا ويصبر اهالينا..
اشكرك محمد الشاعر علي التغطيه ..
جزااك الله خيرا ..
(ملحوظه .. تم اضافه مدونتك في مدونتي ))
عزيزى / الشاعر
ردحذفوحشتنى من يوم اجتماع المنصورة فى ميراج
فاكر ولا يوم وعدى وخلاص .. سعيد بزيارتى لمدونتك واتمنى ان نتواصل دائما
كل الشكر لك على مدونتك الجميله ..وبالمناسبة انا مش معاهم فى مدونون ضد الغلاء يا عم الفلوس كتير مش عارفين نصرفها فين والخزنة مليانه لعلمك سايب الفلوس تحت السرير يمكن فار جعان يحب ياكل
وبالهنا والشفا ويارب خليلنا جدو حسنى واشوفه رئيس جمهورية العالم العربى المتحد
الله يخرب بيتك يا شاعر
ردحذفحرام عليك يابني انا مش مدون
انا مش مدون
ازعق الم عليك الناس يعني
لكن تسلم ياواد
تغطية حلوة كما عودتنا دائماً
ماشى ياعم التغطيات الجامده دى
ردحذفيالا حظوظ
:d
تميز فى التصوير والاداء .. ربنا يخليك للوطن ... ما هيتفضح على ايدك هههه وداخلى جيش ... هتقول ايه فى الجيش ...ههههههه
ردحذفربنا معاك على الفول وعلى الجيش ومعاك على الجواز ... ههههه
تغطيه روعه ياعم
ولا يا شاعر هي كانت دي إيه أنا مش عارف أحدد معناها
ردحذفههههههههههههههههههههههه
أخوك
السلام عليكم
ردحذفمش كان حد يقولي طيب اروح افش غلي شوية
علي فكرة ساندوتش الفول بقي بجنية وربع
والبقية تأتي .............
موضوع رائع وتغطية جامدة
حظوظ بقي
واد يا محمد
ردحذفتغطية جميلة جدا
والواحد طلع قمر بالأسود وهو مش عارف
هههههههههههههه
كمان الواحد قال يحي بالأسود عشان نتوه
وسط عساكر الأمن المركزي
تسلم يا قمر
يا واد يبقى أبعت الصور
نيجوووووووووور
تصدق انا كنت معدية بلتاكسي وكنت رايحه ليكم علي البورصة
ردحذفلو اعرف انكم موجودين كنت نزلت ووقفت معاكم
بس انت يا شاعر مش قولت ليا
ماشي ماشي
لن انساهالك يا شاعر ههههههه
بس تغطية حلو
وحسابي مع زيدان علشان معايا كل يوم علي الايمل ومش قالي
المرا الجاية ابقو قولولي
تحياتي ليك
السلام هليكم ورحمة الله وبركاته
ردحذفاخى دى اول مرة ادخل فيها مدونتك وبجد وبدون مجامله رائعه اولا احب احييك النى لمسه فيك معنى الديمقراطية وحرية التعبير والرأى ولمسه معانى كثيرة من احترام المجلس والالتزام واشياء اخرى دا لما كنا فى الاجتماع فى النادى
حياك الله اخى واعز بك الاسلام
اما ابالنسبه للبوست
يا جمااااااااااااعه الموضوع بسيط خالص دا بدل ما تشكروه بيحوشلنا فلوسنا في بنوك سويسرا وموظبنا لالا هو في حد قال اساسا غن في مشاكل
لازم ندعى علشان ربنا يريحنا منه بس انا بكون فرحانه فيه لما بيفضل كدا ماسك فى الكرسي مش بيسيبه علشان يزيد على رصيجده ( نملى لهم ليذدادوا إثما )
لكن انا فى نفس الوقت فخورة جدا ببشائر المستقبل من شبابنا الله يحميهم ودا كان لازم يحصل علشان الشعب يفوق من السكرنت الى كان فيه والغيبوبه طبعا العيب فينا اومال يعنى فيه لاالالالالاااااااا
حسبنا الله ونعمه الوكيل يعنى انا مش عارفه ازاى يكون فى اساسا مشكله غلاء أسعار فى مصر بجد والله فيها ثروات كتير لو بس نتبع الخلافه الاسلاميه اه يا زمن صبرا إن بعد العسر يسر بارك الله فيك فى التغطية الاكثر من رائعه
عجبتنى اوى الهتافات
ردحذفبجد رائعه
تسلموا
ياريت تكون هناك دعوة عامة لكل المدونين لحضور مثل هذه الوقفات وكل الشكر لمن شارك ..
ردحذفوالشكر للريس والحكومة اللي ما حرمتش الشعب من حاجة فوفرت له كل شئ أدناها القرف والعكننة وربنا يجعله عامر ونتربى في عزك ياحسني بيه
تحياتي
said
انا فكرى ناموس حولت أبعث لك القصيدة لم أعرف هذا ايميلى namous71@yahoo.com namous-1971@hotmail.com حول تتصل بى 0101278356
ردحذف0502795925
السلام عليكم