الكابتن / محمد أبو تريكه يشارك في حمله حماية

محمد أبو تريكه يشارك في حمله حماية

أقام فريق حمله حماية ندوة اليوم الموافق 1/4/2008 بساقيه الصاوي بحضور الكابتن / محمد أبو تريكه

وبدأت الندوة في تمام الساعة السادسة ونصف

( طبعا أنا والدكتور أشرف الاتربي هو خلص شغله بدري شويتن وأنا أيضا فموجودين بدري شويه ... فاتصلت على الفنان / مصطفى محمود .. أشوفه وصل ولا لأ علشان كنت عاوز ادردش معاه شويه ... وبجد مصطفى محمود الانسان زى الفنان بالظبط .... زى ما فنه راقى .. تحس فيه الاخلاق والتواضع راقيين ايضا .. وعرفته على الدكتور اشرف الاتربى .. وهما عارفين اصلا بعض .. بس الزمن بقى ..... نرجع للكابتن الخلوق المتضامن مع غزة والمشارك فى حمله حمايه )

دخل الكابتن أبو تريكه قاعه النهر ... وفى أقل من دقيقه امتلأت ألقاعه من الشباب والبنات والنساء والرجال والأطفال... وتصفيق حاد وتصفير شديد لهذا الرجل الذي سطر بحروف من نور في تاريخه مواقف شجاعة

وبدأ المهندس / محمد عبد المنعم الصاوي بالحديث ... وذكر مدي ساعدته عندما جاء له البنات وذكر اسمائهم بل ووجه لهم الشكر الجزيل لحرئتهم ونشاطهم وهم

نهاد عز الدين

ايمان عز الدين

( ياريت بقى يكون كل بناتنا وشبابنا بنفس شجاعه البنات دى )

واكد المهندس الصاوي على أن فى داخل الساقيه ممنوع التدخين نهائيا ... لا فى القاعات ولا فى قاعه النهر

بعد ذلك تم تقديم الكابتن / أبو تريكة

وبدأ ابو اتريكه فى الحديث وبدأ الصمت يعم المكان ... وكأن على روؤس الحاضرين الطير

وبدأ كلامه بأنه لا يعمل شىء فى حياته الا ويجدد النيه ... لماذا يعمل هذا الامر .؟؟

وهل هيكون له دور ولا لأ ؟؟؟ ولكن وجد انه ان شاء الله هيكون له دور في الحمله وانه هيساهم في الحمله ونيته انقاذ شباب مصر والعالم العربى

مع أنه كان يفضل عدم المشاركه لشىء فى نفسه أنه بيحب يعمل الخير بعيد عن أعين الناس ... ثم دعى الكابتن ابو تريكه أن يجعل الله هذة الاوقات في ميزان حسناتنا يوم القيامه

وقال ليه الناس نسيت ان الرسول هو قدوتنا ... وابلغ رد على الناس اللى أسأت لرسول الله هو تعليم سيرة الرسول للنشأ الصغير

واكد أبو تريكه على أهميه دور الرياضين فى المجتمع وعلى أن الغرب يفعلون كل ما يفيد المجتمع من بدافع الانسانيه ولكن نحن نفعله بدافع الايمان

واكد أيضا على ان السجائر على بوابه الادمان

جاء بعد ذلك عرض للفيلم اللى على موقع أ عمرو خالد .... فيلم المدمنين

ثم تحدث الاستاذ /أحمد عبد المنعم .... عن الحمله واهدفها وما تم تحقيقه وجاوب على بعض الاشئله الموجهه أليه

مثل . هل العلاج يتم بالمجان أم لا ...؟؟ وجاوب انه حسب الحاله ... وانه هناك خصومات تصل الى 50 % ونسبه للمتعالجين مجانا

جاء بعد ذلك فقرة الاسئلة للكابتن / أبو تريكه .. نذكر بعضها

لماذا لا تفكر فى الدعوة الاسلاميه.؟؟

رد الكابتن وقال : مش الدعوة انك تكون حافظ القران كله واحاديت مع ان كل دا كويس بس انت داعيه فى مكانك وكل واحد فينا داعيه فى مكانه

هل ترى ان فوز مصر خفف شىء عن الشعب المصرى ؟؟

رد الكابتن وقال : لو هيقاس ماديا لم يقدم شىء .. لو هيقاس معنويا يعتبر اضاف الكثير .. ويكفى ان تفرح هذة الملالاين من البشر .... وخير الاعمال ادخال السرور على قلب اخيك المسلم

ما هو البرنامج اليومي لكم فى غانا ؟؟

صلاة الفجر

تدريب

بعد صلاة العشاء .. قراه قران كريم

ويوصف الروح بينهم فى غانا مثل الروح بين المهاجرين والانصار

ويذكر أيضا ان كل مبارة كانت لها نيه ... وان نيه أخر مبارة كانت من أحمد حسن ... وهو تخيل مدى شعور كل مصرى بعد الفوز ايه؟

جاء بعد ذلك فقرة فنيه واغنيه بجد أكثر من روعه ...... عقبال بتوع المنصورة ما يعملوا واحده ... انا ظبط لهم مع الفنان مصطفى محمود وربنا يكرمك

اغنيه بعنوان ( اوع تجيب اللوم على غيرك وتقول العيب مش فيك )

بعد الاغنيه جاء دور محمد رسلان ... مدمن متعافى ليحكى تجربته الشخصيه مع الادمان

ويذكر انه لما كان مدمن مكنش عارف اخواته قد ايه ... وفى سنه كام .... وقال لكل مدمن طالما انا قدرت ابطل يبقى انت ممكن تكبل بنتهى السهوله

وفى ختام الندوة .. اوصى الكابتن محمد ابو تريكه الحضور بالدعاء ... بالدعاء ان ينصر الله الاسلام والمسلمين وينشر الاسلام فى كل ارجاء العالم ويجعل رايه الاسلام عاليه خفاقه

طبعا ابو تريكه .. قال والسلام عليكم ورحمه الله وبركاته .... وسيل من البشر كان ناوى يهجم عليه ... بس شباب صناع الحياه قاموا بالواجب

يبقى ان أقول ... يكفينى انى رأيت نور الايمان والتقوى والتواضع والانكسار لله فى وجه أبو تريكه ... فلك منى ألف تحيه ياأبا تريكه

لرفضك لأساءة رسولك الامين ......... لك من ألف تحيه

لتعاطفك مع غزة ............................ لك منى ألف تحيه

لمشاركتك فى حمله حمايه ......... لك منى ألف تحيه

والله يعلم ان حبك سكن قلبى وقلب الملايين من البشر .... وصورتك فى خيال عقولنا ... وفى حجرتى .. عن يمينك وفى امامك وانت تشكر ربك وتسجد لله شكرا

لك منااااااااااا الف تحيه

د / أِشرف الاتربى والفنان مصطفى محمود

أخوكم الشاعر والفنان مصطفى محمود

انا والدكتور أشرف ومصطفى محمود بس مش اللى بيغنى هو شاب من صناع البحيرة

جانب من الحضور

مصطفى محمود فى مقدمه الحضور

الدكتور اشرف الاتربى فى مقدمه الحضور ايضا