السلام عليكم ياشباب .. يامدونين .. ياكل البشر اللى منورين المدونه
فى البدايه كدا نحب نشكر كل المدونين ... أيوة كلهم ... لتفاعلهم مع حمله حمايه
ونخص بالذكر مدونى الدلتا حيث انهم جعلوا حمله حمايه هى حملتهم فى هذا الشهر
ونشكر أيضا الاستاذ عمرو خالد على ذكر المدونات وتأكيده على تأثيرها وتفاعلها مع الحمله
وهنا ممكن تحملوا الحلقه اللى أخوكم أتكلم فيها وعرض فيها مشاركه المدونين
فى الحمله فى حلقه الجنه فى بيوتنا مع الاستاذ عمرو خالد وبعدها أكد الاستاذ
عمرو على أهميه المدونات فى المشاركه وتفعيل الحملة
حمل من هنــــــ حملة حمايه ـــــا
وطبعا أى تفاصيل أكثر عن الحمله على موقع الاستاذ عمرو خالد
فأنا باسم مدونه الشاعر وباسم صناع الحياه بشكر كل مدون
شارك معانا ولو بأنه علق بس البنر ... او كلم صديق له
وبدعو بقيه المدونين وأقول لهم الحمله لسه فيها أسبوعين
شارك ... وزود قايمه شرف المدونين
......................
الشاعر أثناء لصق البوستر خارج القاعه
على هامش حمله حمايه ... ندوة بالمركز الاعلامى بزفتى
أقام فريق حمايه بجمعيه صناع الحضارة بميت غمر ندوة بالمركز الاعلامى بزفتى
بحضور مجموعه متنوعه من طلبة المدارس الاعداديه والثانويه والتجاريه
وتحدث فى الندوة الدكتور / أشرف الاتربى .. رئيس جمعيه صناع الحضارة
د/ أشرف الاتربى
شرح فى كلمته أهداف حمله حمايه
جاء بعد ذلك شعر من أخوكم العبد لله
ثم تحدث بعد ذلك الاستاذ / أحمد المصرى رئيس نادى الدفاع المدنى
تحدث عن خطر التدخين وان التدخين هو أول مراحل الادمان للمخدرات
جاء فى النهايه بعض الوصايا العمليه من الدكتور / عماد رياض
تخللت ذلك الندوة تساؤلات من الطلبه وحلول عمليه ومشاركات ايجابيه من الطلبه
منها
توعيه اصدقائهم
لصق البوستر
حث خطباء المساجد على الكلام عن الحمله
وغيرها من المقترحات
وفى النهايه عرضنا المشاركه فى الحمله عليهم
فرفع الجميع ايديهم للمشاركه
وكانت أول المشكاره فى الحمله أن كل طالب أخذ مجموعه من البوسترات لينشرها
وطلبوا الابيات الشعريه التى القيتها ليقولوها فى الاذاعه المدرسية
العجيب فى الامر أن لم تطأ اقدمنا الجمعيه الا ووجدنا تليفون الجمعيه بيرن
الناس بتتصل علينا
كنا بنعلق البوستر وشفنا مدمنين مسكوا فينا وقالوا عاوزين نتعالج هاتوا لنا رقم الجمعيه دى
وأم أخرى تبكى وتقول بالله عليكم تعالى خدوا ابنى أنا حبساه فى البيت
بعض الشباب وفى يده استيكر الحمله
تواجد من جانب الفتيات
فاللهم تقبل اعمالنا
السلام عليكم ورحمة الله وبركاته
ردحذفالمدون الفاضل ... الشاعر ...
بارك الله فيكم وفي مجهودكم
وجعل هذا بميزان حسناتكم باذن الله تعالي
جزاكم الله خيرا
ربنا يكرمكم ويقويكم
ردحذفوان شاء الله تنجح الحملة
وبزيادة كمان
ربنا يتقبل
وكل سنة وانت طيب
تحياتي
السلام عليكم ورحمة الله وبركاته
ردحذفاخونا الفاضل : الشاعر
بارك الله فيكم ونفع بكم الاسلام والمسلمين
واستخدمنا واستخدمك لنصرة دينه
BooOoooOooOktm
وجعل الله هذا العمل في ميزانكم باذنه
تعالي
ورزقنا ورزقكم الاخلاص فيه
اختكم
Rima
بقولك ايه ومن غير هزار انا عاوزة استيكرز دى مفيش ولا واحد فى القاهرة الجديدة او رتب مع بتوع القاهرة اقابلهم الله يخليك دا انا عندى شباب ضايع
ردحذفأيوة ياعم لاشاعر ماحدش قدك انت راجل بتتعامل مع المدمنين دلوقتي هههه ربنا يعينك يا باشا والحملة ديت ما شاء الله فكرة جيدة جدا وربنا يعينكم ويوفقكم يا سيدي
ردحذفربنا يكرمك ياشاعر والله
ردحذفويجعله فى ميزان حسناتك ان شاء الله
وتقف كده يوم القيامه وفى ايدك بوستر الحمله
وتقول يارب انا ساعدت واحد يبطل ادمان
ربنا يكرمك
تقبل مرورى
هو ليه عالم المدونات منسى فى الحملات ديه مع انه مؤثر جدا
ردحذفلو كل مدون علق بوستر واحد بس هنلاقى الاف البوسترات اللى متعلقه على حوائط مواقعنا
سميه بنت البنا
ردحذفبارك الله فيكم
وجزاكم الله خيرا على المرور الطيب
بنت الاسلام
ردحذفأن شاء الله تنجح الحمله بيكم
الله المستعان
دمتم على خير
صانعة الحريه
ردحذفربنا يجعل كل ايامنا فرح
ربنا يجزيكم خير انتوا ماشاء الله عاملين شغل جامد فى الحمله
اسعدنا مروركم الطيب
ريم
ردحذفجزاك الله خيرا
نورتينا
أبى
ردحذفحاضر
بتصل واشوف لحضرتك حد من القاهرة
تروحى تاخدى منه ان شاء الله
وشكرا على مشاركتك معانا
حقوق مسلم
ردحذفقصدى قلم رصاص انت ليه يابنى مش بترسى لك على اسم للمدونه فى ايه
المهم مشكور نورت
عمار
ردحذفبطلت شم ولا لسه؟؟
حدوته مصريه
ردحذفهو انا يافندم تقريبا كدا معظم المدونين كتبوا عن الحمله
الحمد لله
لله الحمد والفضل
مشكور على مرورك الطيب
ده موضوع منزله مصطفى محمود على مدونته احتمال يفيدك
ردحذفhttp://mostafamahmod.blogspot.com/2008/02/0101008476.html
اخي المدون الشاعر جزاك الله كل خير عن مدونتك الجميله ديه وبعرفك ان انا معاكم في حمله حمايه بكل ما املك من قدرات ان شاء الله وان مدونتي هاتكون من اكثر المدونات اهتماما بحملتكم
ردحذفikwanforever.blogspot.com
ردحذفانا مدونتي اسمها
ارجومن الجميع زيارتها واللي عايز يكلمني يكلمني علي
ikwanforever@yahoo.com
ماشاء الله
ردحذفربنا يبارك فيك ويحفظك
الله المستعان
يااخي الامه مش ناقصه فعلا الناس مغيبه لوحدهم وكمان مخدرات تبقي الكارثه كارثتين
اللهم رد المسلمين الي دينك ردا جميلا
وجزاكم الله خير
السلام عليكم ورحمة الله وبركاته ..
ردحذفبجد الموضوع حلو اوي اوي وتناول حضرتك للحملة بأسلوب بسيط وجميل جدا .. جزاك الله خيرا وجعله في ميزان حسناتك .. وبجد كل خطوات الحملة أكتر من رائعة وانا سعيدة جدااااااا بكل اللي وصلتله لغاية دلوقتي من نتائج رغم انها لسه ماخلصتش .. وبجد ربنا يقوي كل اللي بيعمل حاجة عشان الحملة دي ويجعله في ميزان حسناتهم .. ومن أحياها فكأنما أحيا الناس جميعا ..