حمله حماية ... وثاني لقاء لي مع الأستاذ عمرو خالد

حمله حماية ... وثاني لقاء لي مع الأستاذ عمرو خالد

السلام عليكم ياكل المدونين .... وبجد منورين

اليوم جاى أتكلم عن فكرة حملة اسمها

( حمله حماية )

وهى فكرة أستاذنا عمرو خالد وتم الإعداد للفكرة من فترة

بس كانت الانطلاقة

7/3/2008

حد هيسأل ... إيه هي ( حمله حماية ) دي وبتتكلم عن إيه ...؟؟

كل التفاصيل عن الحملة هنلاقيها على موقع عمرو خالد

التفاصيل هنـــــــــ( حمله حماية) ـــــــا

بس أنا ليه نزلت البوست دا ... حد يقول السؤال دا ... ليه ؟؟

والطبيعي إن دا شغل الشباب في صناع الحياه وشغل الناس اللي وتعالج؟؟

صح أنا معاك

بس نفس الكلام اللي قلته في الحلقة مع الأستاذ عمرو اللي ها هتتعرض يوم الجمعة اللي جايه الموافق 14/3/2008على قناة المحور والرسالة الساعة 9 مساءا

أننا كمدونين لا نقل همه ونشاط عن صناع الحياه .. بل بالعكس لما بنعمل حمله بنعرف ازاى ننشرها إعلاميا

وصراحة الأستاذ عمرو خالد لما علق أضاف إلى موقعه والفيس بوك .

وإحنا في رابطه مدوني الدلتا اتفقنا على إن حملتنا القادمة هتكون

(حمله حماية )

حد ثالث ممكن يسألني طيب أنا كمدون هعمل إيه ؟؟؟

هرد وأقول لك تعمل كتيرررر

على الأقل

انك تخش على موقع الأستاذ عمرو وتاخد بنر الحملة وتحطه عندك في المدونة وتحط تفاصيل عن الحملة

ولو نزلت بوست ونزلت فيه كل تفاصيل الحملة تبقى مشكور

ثاني حاجه .. أكيد في المكان اللي أنت فيه أو اقرب مكان ليك في جمعيه لصناع الحياه

روح وشارك معاهم في الحملة

حد يقول لي مش بحب الجمعيات

مش بحب صناع الحياه

أقول لك ... سهله اطبع ورقه عليها ... الكول سنتر ... والايميل ووزعه على المدمنين

حاجات كتير هتلاقوها على موقع الأستاذ عمرو

دا لوجو الحمله واللى هنستخدمه كمان استيكر

حد رابع ممكن يجى يقول ياعم الشاعر غزة وأطفالها بيموتوا وإحنا نعالج المدمنين؟؟

هقول لك ياسيدى .. هو مين اللي بيدافع عن المدمنين .. مش أحنا

لما يكون في الوطن العربي بس 10 مليون مدمن

5 مليون منهم من مصر

لما يكون شعب مغيب .. شبابه مغيب .. مين اللي هيدافع

وعلى الطريق في الحملة بنقول للناس مش هننسى غزة ولا الرسول

بالعكس حملتنا ... بتقول للناس إننا بنفوق شعبنا من الادمان والأمراض

وان شاء الله نصر الله قريب

..............................................................

بعض الصور ... تصوير الشاعر

أثناء تصوير حلقات الحملة مع الأستاذ عمرو خالد

دا كان بنر عن الحمله خارج الاستديو

الشاعر وشباب من صناع الحياة ( البحيرة - الزقازيق) وانا من صناع المنصورة

أ عمرو خالد يقرأ بعض ايات الله ... قبل التصوير

شعار الحمله ... والاستيكر اللى هيتعلق فى كله مكان

الشاعر وعبد الله حسنى .. مدون ومن صناع الحياه ايضا وخشاب وأستاذنا عمرو خالد بعد تصوير الحلقه

الشاعر والاستاذ عمرو خالد ... وبسمه متبادله

عبد الله حسنى وأ عمرو خالد

هو بس في الأخر عاوز أقول لكل الشباب مدونين وغيرهم أن الأستاذ عمرو عامل حاجه اسمها

( قايمه الشرف )

وان شاء الله أنا ناوى أجمع كل المدونات اللي تفاعلت مع الحملة على النت وابعتها له

وان شاء الله في حفله في نهاية الحملة هيكرم فيها الناس اللي تفاعلت مع الحملة بأي شكل من الإشكال

وربنا يتقبل منا

..................................

الحمله ماشاء الله فيها تعاون كبير من منظمات وهيئات واليكم الشركات

ناقص لنا نقول واجب الاسبوع الاول من الحمله وهو

دا بقى الكول سنتر والايميل اللى ممكن أحنا وكل اللى عاوز يشارك فى علاج أخ ليه أو أخت أو جار أو زميل
والسريه التامه الحمد لله موجودة سواء فى التليفونات أو الايميلات
والله المستعان

معا نصنع الحياة
خاليه من الادمان والمخدارات


دى بعض البنرات اللى عملها المدونين لنشر الحمله

حمايه

لو هتسأل ليه حمايه

وليه شبابنا من البدايه

لو هتسأل ليه وليه

يبئى هحكى لك حكايه

.....

قوم تعالى وشوف شبابنا

لو تشوف تعرف عذابنا

كان كتاب ربه طريق

والصلاه فى اليوم صديق

دلوقتى فى الدنيا غريق

بمخدرات خربت حياتنا

.....

فاكره يامصر شباب زمان

كان عالعدا زى الطوفان

الله أكبر فى المكان

وشباب أسود وسط الميدان

عمره ماخاف أو كان جبان

فاكر ياصاحبى شباب زمان

.....

قولى ياصاحبى شبابنا فين

ولا أقول لك

قول ياصاحبى

شبابنا جاب الكيف منين

وليه شبابنا يعيش سجين

لفساد بيحكم من سنين

ماتقول ياصاحبى شبابنا فين ؟ !

.....

عرفت ليه حملة حمايه

عرفت ليه بنقول كفايه

عرفت ليه كل الشباب

حلفوا لنرجع للبدايه

.....

طبعا ً هتسأل دروى إيه

وعلشان أشارك أعمل إيه

ياصاحبى حملتنا حمايه

وإيد فى إيد خيرنا نلاقيه

......

كلمات

معاذ فتحى شحاته

فارس الأزهر

http://www.fares-moaaz.blogspot.com

دى كلمات ......... دعواتكم ... ناوين نعملها أغنيه للحمله

خطوه بخطوه

خطوه بخطوه على الطريق

وفــ ليل طويل نلقى الصديق

وإيد فى إيد ننقذ غريق

ونعيش على حلم الشباب

.....

خطوه بخطوه فى الحياه

تصلح عقول جيلنا اللى تاه

وتنادى حى على الصلاه

بإيمان ينجى من العذاب

.....

خطوه بترسم حلم جيل

وطريق أمل من بعد ليل

وشباب مايعرف مستحيل

للجنه يبنى من الخراب

.....

خطوه بقلب وفيه حنين

بتنادى كل المدمنين

(بحمايه ) هنحرر سجين

ونحمى عقله من الغياب

.....

خطوه يامصر بقلبنا

(وحمايه) لينا كلنا

(بحمايه) يرجع مجدنا

والحلم يعلى فى السحاب

.....

خطوه بخطوه للأمام

تنقذ مدخن من حُطام

يوصل على بر السلام

ويعيش بآيات الكتاب

.....

خطوه بخطوه وابتدت

لو ألف إيد اتوحدت

وقلوب بعزم اتجمعت

يلا (حمايه) ياشباب

.....

هنقول (حمايه) بألف صوت

هنقول كفايه شباب يموت

جايين بجنه فى البيوت

وشمس من بعد الغياب

.....

كلمات

معاذ فتحى شحاته

فارس الأزهر

كلمة عمرو خالد لموقع في البلد عن حملة حماية (لا للمخدرات)



شارك فى حمله حمايه ... وخاف على أبنك

حمله حمايه انا اشارك اذا انا موجود

عمرو أديب ومساندة لعمرو خالد في حملتة ضد الأدمان

محمد عطيه
صناع الحياة
المنصورة