فلسطين فى القلب ... والقدس فى القلب .. وكلنا غزة
ايوة كانت فرحه مع المدونين وسط حشود المصريين ومع مدونين مقربين لقلبي فكانت الفرحة زيادة حبتين
وإيه اللي يخليني أسافر من المنصورة للقاهرة وبالتحديد إلى وسط القاهرة حيث وسط البلد حيث قهوة البورصة
حيث
شباب المدونين
المهم
يعجز القلم وتعجز الكلام على وصف هذا اليوم الجميل بين المصريين عامه وبين البلوجريه خاصة
وأنا كانت سعادتي من نوع خاص
سعادتي بالمتضامن مع غزة
نعم بمحمد أبو تريكه
ليخرج إلى العالم اجمع ويقول أنا المتضامن مع أهلي واخوتى في غزة
المهم
خرجت الجماهير وخرج الشعب المصري
إلى ميدان التحرير
ولأول مرة ميدان التحرير يمتلىء بالناس وبالهتفات
بدون اى امن
لا شوفنا امن مركزي ولا شرطه ولا امن دوله
إلا كام عسكرى وكام ظابط وهيعملوا ايه فى الحشد الرهيب دا
المهم البلوجريه اتهدوا من الفرحه ومن الهتاف لمصر
قلنا نقعد على النيل شويه نهدى أعصابنا
كانت قعدة جميله على النيل بعدها اللى حب يروح روح وفى ناس قالت شويه
المهم انا وحمادة زيدان يدوب لحقنا أخر مترو فى مترو الأنفاق
وأنا يدوب دخلت المترو ابص يمين ابص شمال مفيش اى مكان اقعد فيه
بصيت تحتى وافترشت الارض من تعبى
اذكر أن فى اليوم دا كان لي أول لقاء مع احمد الصباغ
صحاب مدونه خالوا الصباغ
وبجد حد ترتاح له من الناس اللى ترتاح لهم من أول نظرة
واتعرفت على المدون نضال
صاحب مدونه نضال
وطبعا كان معانا الجيزاوى وشمس ونوشه وحمادة زيدان
ومعتز عادل صاحب مدونه منفى
وكتير من المدونين
وأنا من هذا المنبر أحب أقول لابو تريكه
بنحبك يا أبو تريكه
ومبروك لمصر
وكلنا مع غزة
ونترككم مع بعض الصور للحدث
الشاعر فى قلب ميدان التحرير رافع علم مصر ومفيش حد ممكن يضربه علشان بيحب بلده
المدونين بيحبوا الاطفال اووى .. لازم نتصور معاهم ياشاعر 
الشاعر فى لحظه تعب ... بردة بيحبك يامصر
احنا مين احنا مين .. احنا شباب المدونين
على الاسفلت ... حاليا بالاسواق .. بطوله نوشه والشاعر
الجيزواى بيرقص ياجماعه محدش يمسكه .. بيعبر عن حبه لمصر بطريقته
تتخيلوا اللى بنتصور معاه دا بوكس .. اه بوكس .. يافرحتى مدونين ..ووسط البلد .. التحرير .. وبوكس
الصباغ مع البوكس ..... حد يصدق
ويعنى الشاعر لأ ... الشاعر والبوكس وعلم مصر
الاجانب ... هتبوس ايدينا وتتصور مع الفراعنه .. قصدى المدونين
كله يقعد .. كله يقعد
مصر والعراق ... عراقى يشجع مصر
العراق فى القلب
على الاسفلت .. المدونين ... التهمه الجايه
خالووو الصباغ
خالووو الصباغ ونضال
انا وزيدان
الجيزاوى المرة دى تقريبا بيزغرد
مصر والعراق .. بيشجعوا الفراعنه
المدونين والعلم الفلسطينى .. لم ننساكى ياغزة
على الارض ... وووقف ياعم
بيتخانقوا على العلم
الشاعر وشمس ومعتز عادل عادى الجيزاوى هياكل العلم
شمس ورقصه الفوز
احنا مين احنا مين.. احنا شباب المدونين
حتى الاطفال شاركت الجميع فى الفرحه
الحشود فى وسط القاهرة
دا علم مصر
قبل المبارة
كله مركز
بشجع
كله فى لحظه ترررررركيز
كنا بنشرب شاى
لحظه البدايه
المعلمكتير ممكن يستغرب انا جايب الاحداث بالعكس بالنسبه للصور
هقول لك قاصد
لحظات الفرحه كانت حلوة
فلازم تكون في الاول
يلا نلقاكم على خير
وعلى فوز دايما
وعلى نصرة للأسلام والمسلمين
ربنا يجزيك خيرا.........بس هو مين البيغني فرق السما والارض اصلها حلوه اوي ..... بجد مدونه جميله جدا والى الامام علطول يا شاعر
ردحذفهههههههههههههههههههههههههههههههههه
ردحذفمبروووووووووووووك يا شاعر
تغطية حية جامدة جدااااااا
جزيتم خيرا
بجد ربنا يفرحنا دايما
ردحذفوالف مليون مبروك لمصر
دايما انتصارات
وخلونا نفرح بقي
وجودكم مع بعض اصلا
اكبر فرحة
ههههههههههه
ردحذفيا خبر ابيض
نقل للاحداث بصوره جامده جداااااااااا
انا قلت مش ممكن امشى قبل ما اكتب تعليق
هايل بجد
هههههههههههه
ردحذفماشي انت بتغظني يعني علشان ما رضتشي أسافر علي العموم يا سيدي إحنا هيصنا في المنصورة برده بس الهيصة معاك بيبقي ليها طعم تاني تصدق أنا خادت بالي إمبارح طلعت غالي عليا والله يا شاعر
صور جميلة يا عمنا
ردحذفومشاعر اجمل
دمت بسعادة
يا سلااااااااااااام
ردحذفتغطية جميلة
بس أنا زعلان منك
علشان إنك ما جيتشي تغطي في المنصورة
كانت مولعة في المشاية
ودريم جات صورت .....كانت هابقى خحلوة لو إنك جيت
يلا
المهم ألف مبروووووووووط....
قظدي مبروك
تحياتي لك
الف الف مبروك لمصر
ردحذفجميل قوى انكم عشتوا كل اللحظات دى مع بعض
واخيرا الشعب المصرى فرح ببلده ولو مرة واحدة
وافتخر بيها وبانجازها
عقبال الانجازات فى كل المجالات
على فكرة الصور لذيييذة
تحياتى
شيماء بشرى
تغطية رائعه ...
ردحذفانت رقصت فى البورصه ياعم وفى التحرير واحنا رقصنا فى ديرب وفرحنا وهيصنا ورفعنا علم فلسطين ومصر كمان ادخل عندى وشوف التغطيه ..
---
احلى حاجة عندك العراف وفلسطين .. ربنا يديمها فرحه يارب على قلوب الشعب المصرى يارب
مبرووووووووك لينا و لمصر يا شاعر
ردحذفو ارقص يا شاعر
يعني انت كنت مع احمد الصباغ
ردحذفهههههههههه
انت ولصباغ بس اللي عارفكم
مبروووووووووووووك
تعاطفنا مع غزه وسجدنا لله شكرا فحققنا الفوز بأجمل هدف
مبروك مبروك
تحياتي
:)
السلام عليكم
ردحذفالف مبروك الفوز والفرحة
وربنا يديم علينا الروح
الحلوة دي ان شاء الله
والناس زي ماتقول كدا
مافرحتش من زمان فامصدقوا
يلاقوا حاجة تفرحهم كلهم
ربنا يديم علينا الفرح
ويخفف عنا مانحن فيه
وماشاء الله جميلة الصور
والتغطية منك كالعادة
ربنا يوفقك دايما
السلام عليكم
مبرووووووووك لينا و لمصر يا شاعر
ردحذفمبروك لمصر كلها على الفرحة الكبيرة دى و يارب تدوم الفرحة اكتر و اكتر بأذن الله
ردحذفالسلام عليكم
ردحذفتحياتى اليك
شكله كان يوم مجميل جدا
تحياتى ابو مفراح
مبروك عليكم الفرحة
ردحذفحلوة الصور ماشاء الله
جزيت خيرا
............
شاركني بالتصويت على فكرة كتابي الاول
www.somood.blogspot.com
طيب مش تكتب تحت صورتى ان دى كانت عصايه بضربكم بيها لما بتهيصوا وتربوا ليه العصبى
ردحذفكان يوم حلو ومبسوطه انى عرفتك وطلعت من المنصورة كمان يا اهلا وسهلا
ماشى يا عم الشاعر
ردحذفشااااااااااااطر
ازيك يشاعر انت فين ياراجل بقولك رقم تليفونك ابعته ليا علشان عايزك
ردحذفوبعدين ايع رايك في الموضوع ده
طبعا احنا شايفين اللي بيحصل في وسائل الاعلام
ضد حماس وضد الفلسطينيين لدرجه ان احد
هؤلاء الكتاب اقصد العملاء يكتب ويقول في الاخبار موضوع عنوانه
الزهار واسرائيل في سله واحده
وكمان غير الاذاعه التي تبين للمصريين ان
مصر تمن وتتفضل علي الفلسطيينيين
مع ان دخولهم الاراضي المصريه
ادخل مايزيد عن النصف مليار دولار لمصر في اسبوع واحد
انا اناشد كل حر في مصر للوقوف ضد هذه الحمله المنظمه
واناشد ايضا اخواني المدونين الذين اصبحوا الان
من الفئات التي يحسب لها النظام الف حساب
ارجوا منهم ان بساهوا ولو بتشر الرساله في مدونتهم
واي واحد يعرف يعمل تصميم او شعر
او شعار او اي شيئ تراه مناسبا
لهذه الحمله ضد العملاء
تحياتي
سيف الاسلام
صاحب مدونه سيف مش معاهم
ما شاء الله
ردحذفتنفع صحفى على فكرة تغطية جامدة جدا
والف الف مبروك لمصر
ما شاء الله
ردحذفحبيبى الشاعر الفرحة جميلة
والتعبير عنها اجمل
ولكن احيانا يتناسى الانسان الحدود الشرعية مع فرحته فيفعل ما لا يجوز
الف مبروووووووووووووووك لمصر
مبروك خاصة لابو تريكة
واخرى اخص لرواد مدونة الشاعر
جزاكم الله خيرا
ردحذفمدونون تحت راية الحق
http://muslm.blogsome.com/