مبحــبش أبدا أزعل حــد ولا حبش حد يزعل منـى

السلام عليكم

ازيكم يا شباب... يارب يكون الكل بخير

هو أنا والله المفروض جاوبت على تاجين ... بس نخليه البوست القادم إن شاء الله

ومتأسف للناس اللى بعتوه على التأخير ..لإنشغالى بعض الشيء

والبوست دا هيكون بداية

لسلسله من أشعار مجموعه من المدونين والشباب اللي نعرفهم على النت

اللي عندهم الموهبة كتابه الشعر .. سواء الشعر العامي الحر .. أو الشعر النظامي

أو اى شيء حلو ممكن يتسمع

فقلنا إن مش الكل بيحب يقرا الشعر الأيام دا

بس لما بنخرج الشعر دا في صورة مسموعة أو مرئية بيزيد الإقبال والناس بتحب كدا
حد معاي في النقطة دي
الكل معاى الحمد لله

أو ممكن تقول زى ما أتعلمنا في التنميه البشرية إن الناس فيها اللي سمعي أو بصري أو حسي

المهم

بلاش نطلع بعيد عن موضوعنا

المدون معتز عادل عند حاجات كتير ..والراجل مشكور مش ممانع نبدأ نشتغل ونعمل حاجات كويسه

زيه بالضبط المدون منذر .. له حاجات كميله خالص

زيه شمس

زيه أحمد سعيد

زيه حمادة زيدان

كتير من الشباب معانا لهم كتابات وقصائد حلوة .. ممكن أنها تخدم القضايا اللي بنتشتغل فيها

وحتى لو برا قضايا الحرية ... لو عن المشاعر .... لو عن الوطنية ... لو عن اى شيء

إن شاء الله مستعدون ... إننا نشتغل ... و نخرج الحاجات الحلوة دي للنور

وأنا منتظركم كلكم


بس هنبدأ بواحد برا التدوين خالص

اسمه سيف ..... حد عارفه ... طبعا مشهور .... هههههههههه

ماشى نسمع كلام الراجل
إن شاء الله
مرفق صوتي بصوتي

ومع أول قصيدة للشاعر / سيف
إلقاء / محمد الشاعر



مبحبش ازعل حد

مبحــبش أبدا أزعل حــد ولا حبش حد يزعل منـى

كل الناس عندى على حــق مظلوم ظالم كلة عجبنـى
ولا أحب أكون صاحب موقف وأخاف للـظالم يخصمنى
بشوف المظلوم قاعد يبكــى والــظالم شيفة متجنـى
لا أرد الـــظالم عن ظلمة وأخاف مالمظلوم ليشفنـى

منا أصلى محبش أزعل حـد ولا حبش حـد يزعل منى

إوعى يا مظلوم تفهمنى غلـط قول إللى فى قلبك طمنــى

وللا يا ظالم تحسبنى معــاك وفى طى كــلامك تجاملنى
اسكت بقى خليها فى ســرك واسترها يا رب متفضحنـى
يا خوفى لموت من غير تـوبة ساعتها يا رب إبقى سامحنى

منا أصلى محبش أزعل حـد ولا حبش حد يزعل منـى

ويجيلى أخينا المـــتزمت ويقلـــــى كلامك جننى
إزاى المظلوم والــــظالم عندك شىء واحد فهمنــى
كان ردى انك لسة صـــغير وقليل الخـــبرة اسمع منى
دى شطارةيا صحبى انك تكسب الاتنين ونصيحة تقلدنـــى

منا أصلى محبش أزعل حــد ولا حبش حد يزعل منــى

قالى الـــــمتزمت يا منافق قلتله حاســـب إوعى تهنى

دى سياســــة ولازم نتماشى وانت الكسبان لو تطوعنــى
قوم يالله وفكر فى كلامــــى وقول يا شطان ابعد عنــى
وان كنت مفكر انى فى يـــوم راح اقول الحق ابقى قابلنـى

منا اصلى محبش ازعل حـــد ولا حبش حد يزعل منــى

حد فهم حاجه

منتظرنكم ومنتظرين أعمالكم الفنيه