يوم من حياتي .. كنت مع مدوني موقع جيران ... ومع الدكتور مرسي .... وفرح حبيبي عظيمه

السلام عليكم .. ازيكم يا شباب وحشتونى والله ... يارب يكون كل المدونين بخير .. وياريت نسمع كل خير عنكم
على كل حال .... نسأل الله أن يكرم كل شباب المسلمين لكل خير في الدنيا ... ويرزقنا الجنة في الآخرة
حد يقول أمين .... أمين

يوم الجمعة اللي فات اللي هو الموافق 23/11/2007 كان يوم جميل وحافل .. فقلنا ننقل لكم اليوم دا

بالصوت والصورة
على كل حال نبدأ
سكوووووووت .... هنتكلم

بعد صلاة الجمعه ... أخذت كامرتى وأوراقي وكتاب كدا بسيط للشاعر فاروق جويدة .. اسمه للأشواق عودة
المهم
شددت الرحال إلى المنصورة ... وركبت ولله الحمد العربية .. وفتحت الدستور الاسبوعى .. اهو نقرا شويه على ما نوصل للمنصورة ... وكالعادة .... أتحرق دمى من كام حاجه كدا في الدستور الاسبوعى لو حد تابع
مش موضوعنا

المهم

فتحت موبيلى الخربان لأتصل على صديقي معتز عادل .. ازيك يامووزة – بدلعه - أنت فين .. أنا خارج أهوة .. طيب يا جميل نتقابل هناك

المهم
بدل الدستور وتحقيقاته اللي تحرق الدم في بعض الأوقات ... مسكت كتاب الشاعر فاروق جويدة ... ولم أحس بالوقت

وإذا بي أفاجأ إننا وصلنا إلى المنصورة

نزلت ركبت الميكروباص . .... أسأل السواق . ... أقول له بعد إذنك يااسطى أبقى نزلني عند برج ميراج

يقول لي ...إيه يااستاذ ...وكأني بقول كوكب من الكواكب

فكك من السواق ... هات الواد التباع ...... زيه بالضبط ...... يلا خير
طيب حد من الركاب ..... ولا يعرفوا

معتز حبيبى ..... اتصلت عليه .... ومشكورا صراحة نزل أخدنى من الشارع .... تسلم لنا ياعمو معتز

المهم

قابلنا مجموعه مدونين من موقع جيران ... كانت الدعوة موجه لنا من الأستاذ عادل نجم .. أبو النجوم ... طبعا أنا رايح متأخر عليهم
لأنهم هما قاعدين من الساعة 10 .. ....ودا اجتماع سنوي ليهم

المهم

أتعرفنا على مجموعه مدونين كويسين جدا في مختلف الأعمار السنية . ناس كبيرة ... أكبر منا باضعاف ... وناس اصغر مننا

المهم

دول بعضهم

متجمعين عند النبى

ودا الأستاذ عادل نجم اللي موجه لنا الدعوة

الله عليك يأبو النجوم وانت عايش.. عامل يصور فينا ... عريس ياجدعان

ودي صورة تذكاريه لنا كلنا

ياخراشى عليكوا .. ايه الروقان دا

طبعا أنا كنا مش عارف في الدور الكام .. بس دور عالي طبعا

وببص ........ إيه دا النيل ..... ولم يفلت النيل من عدسه كامرتى .... لأن قلبي يعشق البحر والنيل .. زى عنيه

دا النيل في المنصورة من فوووووووووووق

ياااااااااااااااااااااااااااااااااااه على الغروب .. سبحان من أبدع

غروب الشمس من فوق برج ميراج

دا المدون اللى زى ما بيصور حالات التعذيب .. هو هو وهو بيصورنا .. استر ياااااارب

......................................................................

بعد كدا وعلى مقربه من برج ميراج
أنت بس تعدى النيل ........... تبقى في طلخا

وأنا قلت في نفسي بسيطة ... بلاش تغامر وتعديها عوم .. عدى من فوق الكوبري .... والحمد لله انى عديت من

فوق الكوبري

شوفت كام منظر .... يستحقوا سجده لله ....... شوفوا .... وتفكروا في طبيعة رب العالمين

المهم

جالى تليفون ... فضل معاى لحد باب النقابة .... وببص لقيت قدامى


نقابه الأطباء

حيث

الملتقى الرابع لنواب الإخوان ....ومناقشات وأراء حول برنامج الإخوان المسلمين

وكان في مقدمه الحضور الأستاذ الدكتور محمد مرسى ...... بجد أسد ... ولا يهاب في الله لومه لائم

ولو وصفت لكم الواحد كان في منتهى السعادة بكلام أخوانا الدكتور محمد مرسى .. وهو بيقنع كل الإخوة والأخوات .... من الإخوان وغير الأخوان .. والصحفيين وغيرهم بكل الشبهات والآراء التي دارت حول حزب الإخوان

ابو عوف وكلمه البدايه

مش هنتكلم كنير ... نرفع لكم جانب من المناقشات التي جرت بينه وبين الجمهور إن شاء الله والبوست متجدد

طبعا كان موجود حشد كبير من شباب الإخوان والصحفيين وغيرهم

جانب من الجمهور

الدكتور مرسى بين الحضور بعد انتهاء الملتقى الفكرى
خلص الحمد لله بعد ما وسطي رقص من وقفه التصوير بالكاميرا الفيديو.. ربنا بس يتقبل مننا

وقبل ما أنسى انا عندى النسخه المعتمده من الجامعه للبرنامج

لو حب حد من المدونين ان يقتنيها

وكما قال د مرسى انها ليست النسخه النهائية للحزب

حمل المؤتمر .. فيديو

الجزء الاول

الجزء الثاني

صحيح .. هنسى
الواحد بيشكر اللجنه الاعلاميه بتاعت المنصورة على الجهد الجميل اللى بذلوه علشان العمل دا يخرج كويس
وبالتحديد واحد بحبه اووووى وهو عارفنا
يلا بقى
........................................................................................

اخدت نفسي وطلعت على فرح واحد عزيز على قلبي ... عظيمة .. عبد العظيم يعنى

الشاب دا من صناع المنصورة... بس حد طيب جدا ... وحد صوته جميل جدا

هنروح بعيد ليه

دي لنكات بعض أغانيه على موقع الأستاذ عمرو خالد

أغنيه اشهد يا عالم
أغنيه حي على الصلاة
أنا دخلت القاعة .... اغانى اسلاميه ... حلو جدا ... ميلت على صديقي معتز .. إيه ياعم الجمال دا اغانى اسلاميه

قال لي دي تمويه بس .. اصبر ... اصبر بس ......... وشويتن لسه مخلصناش الكلمة وهات بقى ياأغانى

بس
كانت حلوة صراحة . مش اللي عبط اللي بنسمعه

دا ثلج .. الكل عارفه .. اللى بنعمله فى كل أفراحنا ..... سواء اسلاميه او غير ... بيعمل منظر حلو

شوفى بقى المنظر الطبيعى دا

دا شاب لم نحدد الى الان ملامحه .. هو شاب روش من صناع المنصورة

مغطى بالثلج الابيض

أحلى شغل

وصراحة الشباب بتوع صناع عملوا أحلى واجب مع عظيمه ... طبعا الوقت متأخر ... والموصلات مش كويسه

قررت الرحيل

وصلت البيت متأخر .. بس مش مشكله .. كان يوم ممتع

بس .... منظر رأيكم