معاك بطاقه ... هتعتكف ....مش معاك ... لأ روح اعتكف فى البيت

اليوم هو أول الايام فى العشر الاواخر من رمضان ... وأول أيام الاعتكاف فى المسجد ...والعشر الاواخر لها فى قلب كل واحد منا مكان ... ولها فى قلب المعتكق مكان أخر

يعنى شهر رمضان أوله رحمه ... ويارب يكون كلنا اترحمنا ......... يارب ارحمنا

وشهر رمضان أوسطه مغفرة .... ويارب يكون اتغفر لنا ذنوبنا

شهر رمضان ...أخرة عتق من النار .... واخر الشهر هو العشر الاواخر

وكعادتى كل سنه اجهز نفسى من أول يوم من أيام الاعتكاف ... لأن الاعتكاف بالعربى كدا بيلمنا بشوف كل اصحابى وحبايبى يوميا .. باكل معاهم .. بنام معاهم ... وبنخرج على العيد مع بعض

وبتبقى ايام جميله جدا فوق الوصف والله

وكعادتى ايضا بتصفح النت واشوف أخبار الدنيا ايه .. زى اى حد .... وأفاجأ بخبر لطمنى صفعتين على وجهى

هو

حملة جديدة ضد المظاهر الإسلامية تشنُّها وزارة الأوقاف المصرية بقرارها الأخير بمنع التهجُّد والاعتكاف في العشر الأواخر من شهر رمضان، وضرورة الحصول على تصريحٍ من الجهات الأمنية بأسماء مَن يريدون الاعتكاف، وتقديم صورة من بطاقاتهم
الشخصية، كشرطٍ أساسي لإحياء هذه السنة النبوية

طيب بالله عليكم دا يرضى مين

يرضى المسلمين ولا النصارى ولا اليهود ولا مين

يعنى انا لو مطلعتش البطاقه ... عيل يعنى مش هعرف اعتكف ... بشرى لكل الاشبال اللى معانا فى المسجد ..

مش هتغسلوا الاطباق علشان ممعكوش بطاقه

ولو انا مثلا فى وقفه احتجاجيه ولا فى المترو ولا فى اى نصيبه فى مصر وبمنتهى السهوله أتاخدت منى البطاقه .

.مش هعرف اعتكف

ولا اى ظرف من الظروف

وممعيش البطاقه يبقى اعمل ايه؟؟

والسؤال اللى هيشل دماغى

من المستفيد من هذة القرارت ؟؟

حد يجاوب على

ياريت مسؤل ابن حلال فى الازهر ولا فى البلد يخرج ويرد

فى أول يوم أعتكاف

1/10/2007