الريس بيكتب شعر

جائنى على الاميل ان السيد الرئيس شاعر واحنا منعرفش

وصديقى الطيب بعت لى بعض من اشعار السيد الرئيس

فقلت انقله للناس على المدونه

وهو شعر للشاعر / أحمد فؤاد نجم

اهداء الى شعب مصر

ياشعبي حبيبي

ياروحي يابيبي

ياحاطك في جيبي

يابن الحلال

ياشعبي ياشاطر

ياجابر خواطر

ياساكن مقابر

وصابر وعال

ياواكل سمومك

يابايع هدومك

ياحامل همومك

وشايل جبال

ياشعبي اللي نايم

وسارح وهايم

وفي الفقر عايم

احبك محشش

مفرفش مطنش

ودايخ مدروخ

واخر انسطال

احبك مكبر

دماغك مخدر

ممشي امورك

كده باتكال

واحب اللي ينصب

واحب اللي يكدب

واحب اللي ينهب

ويسرق تلال

واحب اللي شايف

وعارف وخايف

وبالع لسانه

وكاتم ماقال

واحب اللي قافل

عيونه المغفل

واحب البهايم

واحب البغال

واحب اللي راضي

واحب اللي فاضي

واحب اللي عايز يربي العيال

واحب اللي يائس

واحب اللي بائس

واحب اللي محبط

وشايف محال

واحبك تسافر

وتبعد تهاجر

وتبعت فلوسك

دولار او ريال

واحبك تطبل

تهلل تهبل

عشان مطش كوره وفيلم ومقال

واحبك تأيد تعضض تمجد افقتنافق

وتلحس نعال

تحضر نشادر

تجمع كوادر

تلمع تقمع تظبط مجال

لكن لو تفكر

تخطط تقرر

تشغلي مخك

وتبدأ تشاكل وتعمل مشاكل

وتنكش مسائل وتسأل سؤال

وعايز تنور وعايز تطور

وتعمللي روحك مفرد رجال

ساعتها حجيبك لايمكن اسيبك

وراح تبقى عبره وتصبح مثال

حبهدل جنابك واذل اللي جابك

وحيكون عذابك ده فوق الاحتمال

وامرمط سعادتك واهزأ سيادت

ك واخلي كرامتك في حالة هزال

وتلبس قضيه وتصبح رزيه

وباقي حياتك تعيش في انعزال

حتقبل ححبك حترفض حلبك حتطلع حتنزل حجيبلك

جمااااااااااااااااااااااااااااااااااااااااااااال

وتفتح جدال

وحاله ده حال بجد ياجماعه الريس شاعر من الدرجه الأولى سلام كبير اووى للريس

على رأى الشاعر الكبير اللى بيقول

هو اللى مجوعنا ..........هوووو

هو اللى مبهدلنا ..............هوووو

هو اللى مشردنا .............هوووووو

هو حبسنا ............هوووووو

ينفع فى شتى او صيف

هووووووووووووووووووووووووووووووووووووووووووووووووووووووووووو

محمد الشاعر

30/7/2007