عندما أكرمني الله وحصلت علي شهادتى الجامعيه بدأت كأي شاب في البحث عن لقمه العيش ومع ظروف مصرنا الحبيبه وقله الوظائف الحكوميه كان لابد ان ابحث في القطاع الخاص وكانت البدايه في شركه للبرمجيات ولكن للأسف كان العائد المادي ضعيف ولم اكمل الشهور القليله
جاء بعد ذلك عملي في دار نشر اكملت فيها سنه تقريبا تعلمت في هذة السنه الكثير وبعد هذة السنة انتقلت الي قسم الاعلام في إحدى الشركات
وفي الحقيقه لا اريد ان احكي السيرةالذاتيه الخاصه بي أو طبيعة عملي ولكني أريد الكلام عن العمل الخاص وطبيعه العمل الخاص
العمل الخاص ان تعمل عند غيرك .... نعم كل ما حباك الله من مواهب وقدرات تكون لغيرك
العمل الخاص ان تكون ملك غيرك ..... يملي عليك ... أوامر .... أعمل ...ومتعملش
العمل الخاص .... كل شهر هتخس كام كيلو .... وهيجي لك الضغط
هكذا والكثير عانيه منه في العمل الخاص والأن انا أعتذر لكل رواد مدونتي عن الانشغال الشديد عن المدونه وذلك لظروف ضغطي في العمل الخاص
ومن هنا من مدونتي أنادي بكل صاحب عقل يفكر وجسم يقوي على العمل وانادى على نفس أولا أن أعمل عند نفسى ولما لا ؟؟
هل يفرق صاحب عملي عني بشيء ...أعطاه الله عقل مثل عقلي ..وجسم مثل جسمي
لنبدأ ونقرر أن نعمل عند أنفسنا
أريد ان اعرف رأيكم في الموضوع دا ؟؟!!!
على الهامش
أحلي حاجه انك تشتغل عند نفسك
عزيزى الشاعر الجميل / محمد عطية
ردحذفمن يستطيع أن يعمل عند نفسه ويجد مشروعا ولو صغيرا وبدأ به .. فهذا قمة العقل
فالكثير من كبار رجال الأعمال بدأوا بقروش قليلة
في ذات يوم قعدنا مع
صاحب توشيبا العربي وعلمنا منه انه بدأ بأقل القليل .. وهو الآن عملاق في عالم الصناعة
عقبالك يا محمد
كل سنه وانت طيب
عودا حميدا لرجوعك لتدوينك
ردحذفولزوارك
بالنسبه للعمل الخاص
شئ طبيعى بيحمل اوامر وضغط نفسي لكن الاهم انك بتضع نقط واضحة ليك لكل الى موجودين فى الشغل
بيعرفوك بيها
النقط دى هى وضعك ونظامك
بصفتى اشتغل قبل كدا فى شركة كمبيوتر الشغل كان داخل فيه العلاقات الاجتماعيه وكان فى معرفه
بس عن تجربه بجد
ان انت فى شغلك اتعامل مع مديرك بالاسس والقواعد والنظام والسيستم الى محدده العمل وقوانينه
علشان محدش يقدر يقولك اى كلمة او يؤمرك ليك عندى شغلك والوقت متنظم فيه ومفيش تغيب شغلى على اجمل وجهه وفي كفاءه وتركيز خلاص
اقدملك الى عندى وانت تعطينى حقي
وعلمنى كمان انى انا بالنقط الى هحطها للعملاء معايا ومديرينى هى الى تحددت كلامهم معايا يكون ازاى وبالصبر واللين والتسامح والضغاطى عن التفاهات والعلو بالرقى والذوق
لو عملنا كدا هنغصب المدير نفسه على احترامه لشخصي وذاتى
وعرفت ان الشغل حتى لو انا هشتغل علشان الرزق محتاج انى اضع اسس كيفيه التعامل مع الى هشتغل معاهم
معذرة عن الاطاله
لكن فى كلتا الحالتين شغلك لنفسك برده بيهطى مكان اكتر وبيعلمنا نكون عصاميين
دمتم بخير
أزال المؤلف هذا التعليق.
ردحذفانت فين ياشاعر
ردحذفالمهم اشتغل عند نفسك احسن
انا شايف ان قرارك ده صحيح
ردحذفيارب يهديك للصواب ومش فيه مانع من صلاه استخاره
:d
اخي الشاعر العمل الخاص بالرغم ما فيه من سلبيه الا انه يمنحك الخبرة وعمل خاص عن اخر بيفرق صح هما بيشتركوا في عدة نقاط سلبية
ردحذفربنا يجعل لك مخرج يارب
بسم الله الرحمن الرحيم
ردحذفما أرى فيك إلا إنسانا نبيلا يأنف ويأبي لكبرياءٍ فيه جميل .. غير أن نصحي لك ألا تتسرع فكل مشوار لابد له من تضحيات والعمل الإدراي الخاص والعام لابد له من رئيس ومرؤوس هكذا هو
فلا تترك طموحك الكبير يثنيك عن البدايات الصغيرة التى لابد منها فلا أحد يولد كبيرا
ثم لا أحد يجبرك بتبعية لمكان أو رئيس لا تقبله كليةً تماشي وتخير الفرص واصبر تصل ..
تحياتي لك وانى لفى سعاده لك أن أرى ابن قريتي الصغيرة واجهةً مشرفة له وللإخوان على الشبكة ..
تحياتي
شاعر
ردحذفحمد الله علي السلامة ان شاء الله متتاخرش علينا في البوستات تاني
بص يا محمد العمل الخاص فعلا يوبة كتير بس بيديلك مهارات وخبرات كبيرة جدا وانت واحد من الناس اللي عارف انا بعاني في شغلي ازي
بس في الأخر باخد حقي وبتعلم كل يوم جديد
فكرتك كويسة بس المهم تكون درست القرار كويس وعارف انت هاتبتدي ازاي وفي ايه
ربنا يكرمك ويهئلك الخير دايما يارب
تحياتي
كلامك جميل يا محمد
ردحذفعندك حق ..
لكن مش عيب انى ابتدى باى شغل وابتدى افكر واحط لنفسى المشروع اللى هكمل فيه
بس انا مقدر وجهة نظرك جدا وفعلا عندك حق
فـــريــد
عمنا الشاعر قلت لك الكلام ده من زمن وانت مش متبعنى بس بنا كمان اليومين دول زيك بالظبط بدأت مرحلة التوهان
ردحذفبص يا شاعر بما انى سيادتى بتشتغل من تسع سنين فاحب اقولك ان ده له طعم وده طعم لانى اشتغلت الاتنين
ردحذفبمعنى العمل عند الناس بيكسبك خبره اوي فى فن التعامل مع عقليات مختلفه وتشوف اصحاب الشركات بتتعامل ازاي واقدر تعرف منهم ايه الوحش وايه الحلو ومتعملش الوحش
ومن هنا لو تقدر تعمل لوحدك اعمل
بس خلى بالك هيبقى لووود عليك اكبر لو مش قده متعملهوش فى الفتره دي قبل ما تكتسب خبره اصبر شويه امال لو قعدت زي
بص انا عملت الاتمي فى وقت واحد وكان كويس حاول تجمع الاتنين لغايه ما عودك يقوى بجد
بص يا محمد في ناس تركيبتها غريبة وانا بالنسبة لي شايفة نفسي منهم بمعني لا تقبل الاوامر ولا تتحمل الاهانة ولا تتقبل التعالي وده بيكون ناتج عن طبيعة نشاتهم ومحيط اسرتهم وده صعب قوي يشتغلوا تحت امرة حد مش هيعمروا لكن لو يقدروا يتغلبوا علي طبيعتهم ديه يكون خير
ردحذفانت لو شايف نفسك بالصورة ديه طيب هتعمل ايه؟؟؟
عندك استعداد انك تبدا بمشروع صغير مثلا؟؟
عندك الماديات اللي تخليك تستغني عن العمل الخاص؟؟؟
انت شاب واي شاب لازم يشتغل ويتحمل عشان الحياة تمر
تحياتي
وزعلانة منك جدا عشان ماحضرتش الاجتماع الاخير للرابطة
أكيد مفيش أحسن من إنى الواحد يشتغل عند نفسه
ردحذفبس مش كل الناس تقدر تعمل كده فى ناس كتير حالتها المادية مش مساعداها
بس هيا عامة فكرة كويسه
تقبل تحياتى
دمت بود
لو العمل الخاص كما تقول
ردحذففلو جربت العمل الحكومي هتقول أكتر
لكل مكان ولكل عمل متاعبه
طبعا جميل انك تدير عملك لنفسك ويكون لك مشروعك الخاص
ولكن لا تنسى انك في البداية
ولكل مرحلة ظروفها
معلش بجد اللى جاى احلى بس احنا نصبر
ردحذفتحياتي
السلام عليكم
ردحذفماشاء الله
ردود جميله
اضافت لي الكثير
دعواتكم لي
الله يوفقك ياآآرب
ردحذففعلاً
الشغل الخاص لنفسك... ولا أروع.!
اكيد طبعا اهم شئ بس انك تكون طموح لان طموحك هو اللي هيديك الدافع انك تكمل ده وفعلا مدونتك ذات مستوي وربنا يوفقك
ردحذف