مدونه محمد الشاعر

السلام عليكم 2008-01-01 في صباح أول يوم في السنة الجديدة أخط بقلمي لكم ما أشعر به هو في الحقيقة سؤال ألح على غير العادة 2008 اليوم ينتهي 2007 ينتهي عام بأكمله ؟؟؟؟؟؟؟؟ اليوم ينتهي 2007 بكل ما كان يحمله اليوم ينتهي 2007 ويأخذ عمري معه ؟؟؟ هل مر عام من عمري ؟؟ أنا مش مصدق ..... حد مصدق ؟؟ ............................................................................ 2008 في جزيرة القرصاية حضرت مدونه الشاعر حفل اقامته مجموعة من النشطاء والحقوقيين المصريين احتفالا براس السنة الجديدة على ارض جزيرة القرصاية في الجيزة تعبيرا عن التضامن مع اهالي الجزيرة في مواجهة السلطات التي تسعى للاستيلاء على ارضها . هنا تفاصيل موضوع الجزيرة دى كانت لعدسه المدونه بعض الصور احد الاهالى يهتف .. بالروح بالدم نفديكى ياجزير ة صور من المعرض ا لفنان وجيه عزيز الاطفال بجوار الفنان وجيه جانب من صور للجزيرة .. زرع وقلع وصيد وحياة جميله ..الحكومه بقى عاوزة تجرف كل دا ابتسامه نوارا نجم على كلام والدها الشاعر احمد فؤاد نجم الذى اعتذر عن الحضور لمرضه احد الاهالى يتابع ما كتبته ونشرته الجرائد عن مشكلتهم كان الله فى عونه

التاج الاول من الدكتور / هانى صاحب مدونه بحب الحريه والتاج الثانى من الاخت دينا صاحبه مدونه دينا عمر التاج الأول على بركه الل ه لومكنتش مصري بس عربيكانت هتبقى إيه نظرتك للمصريين واللي بيحصل في مصر دلوقتي؟ لو مكنتش مصري ... هاجى اعيش في مصر واخد الجنسيه .. حد يطول يبقى مصرى نظرتى للمصريين .. ناس جدعان ورجاله وولاد بلد اللى بيحصل فى مصر... هو فى حاجه بتحصل فى مصر .. احنا زى ما أحنا من 26 سنه وياعالم هيفضل لحد أمتى لوكنت أوروبي أو غير مسلم بردو إيه نظرتك للعرب والمسلمين؟ ايه ياسيدى الاسئله دى المهم لو لو ... مع انها الو دى بيقولوا من الشيطان بس لو انا غير مسلم .. والحمد لله على نعمه الاسلام مسلمين اليومين دول وعرب اليومين دول ... كنت ممكن اخد وقت على ما أفهم يعنى ايه الاسلام ويعنى ايه العروبه ووحدتها بس اكيد كنت هقرأ واشوف سير السلف وسيرة رسول البشريه وان شاء الله ما كنت هتردد الدخول فى دين الله لحظه لوقالولك إنت بقيت رئيس جمهورية هتعمل إيه؟ لا انتوا بتحلموا بجد وايه يعنى منحلم .. هو الحلم حرام وعيب ولا ممنوع الايام دى تصدق الاحلام ممنوعه الايام دى .. بجد ممنوعه حتى النومه محدش عاد فين

السلام عليكم كل سنه وانتم لله أقرب وعلى طاعه أدوم مش هنتكلم كتير .. صلاة العيد السنه دى كانت شويه مختلفه عن أى صلاة .. ماشاء الله عدد كبير فى المصليين سواء من النساء أو الرجال وعلى الوجه الاخر عدد كبير من الامن وكان المعتاد ان الامن يقف برا المصلى بيكون ظباط وكام أمين شرطه وغفير ولا حاجه وطبعا طبعا مرشدنا المرشد بتاع أمن دوله بس دا كان بيكون له الصلاحيه انه يخش ويشوف مين بيفرش ومين بينظم ومين ومين بس السنه دى كان على غير الطبيعى شويه من الفجريه وكل - الغفرا - قاعدين لنا فى نهايه المصلى فى الداخل ولسان حالهم يقول جايين نصلى ياعم ايه هتمنعونا ولا ايه كان نفسى والله أصورهم كان شكلهم يفرح قاعدين مرصوصين زى قوالب الطوب بالظبط يلا خير حلو اوووى انا قلت مش هتكلم كتير .. عيب كدا احنا فى العيد دا بوستر مغرقين بيه البلد فى ذكرى العشرون لأنطلاقه حركه المقاومه الاسلاميه حماس من تصمينا ولنا الشرف الساعه 6 لسه الناس مصحيتش من النوم الشمس بتطلع الشمس طلعت .... الله أكبر الله أكبر الله أكبر لا اله الا الله .. الله اكبر الله اكبر ولله الحمد ماشاء الله .. الاخوات من الفجريه موجودين الاشبال بتنفخ البالون

المهرجان الأول لحركه كفاية مهرجان الشعر الاحتجاجي أقامت الحركة المصرية من أجل التغيير " كفاية " في مساء الأربعاء الماضي الموافق 12/12/2007 بنقابة المحامين بالقاهرة مهرجان يعد الأول من نوعه للشعر الاحتجاجي تحت شعار " والله زمان يا سلاحي " في الذكري الثالثة لأول مظاهرة احتجاجية لها في 12/21/2004 وفي الحقيقة أنا لحسن حظي كما ظننت أني كنت في القاهرة يومها . وأنهيت عملي قبل ميعاد الحفل بحوالي ساعة تقريبا .. وفي أقرب مسجد صليت الظهر والعصر جمع تأخير .. ولكن يتبقى نصف ساعة ... وأنا صايم والجوع يقرص علي .. طبعا الواحد لما بيكون شغال مش بيحس بالجوع على عكس لما بيكون فاضي على العموم وفى أثناء سيرى وأنا سرحان أجد شاب ظننته ينادى على " قوطة " أو " بطاطس " .. بنص جنيه .. بنص جنيه اى كتاب بنص جنيه وأنا سمعت الكلمة من هنا ووضعت عن يدي حقيبتي .. وبدأت أقلب في الكتب اللي بنصف جنيه دي .. المهم عجبنى كام كتاب شعر وكام كتاب عن الإعلام ... اشتريتهم المهم أنا كل شويه ابص في الساعة ... هو ليه المغرب لم يأذن إلى الآن عمال أنا أسأل نفسي وسمعت الأذان يؤذن .. الله أكبر .

السلام عليكم ازيكم يا شباب... يارب يكون الكل بخير هو أنا والله المفروض جاوبت على تاجين ... بس نخليه البوست القادم إن شاء الله ومتأسف للناس اللى بعتوه على التأخير ..لإنشغالى بعض الشيء والبوست دا هيكون بداية لسلسله من أشعار مجموعه من المدونين والشباب اللي نعرفهم على النت اللي عندهم الموهبة كتابه الشعر .. سواء الشعر العامي الحر .. أو الشعر النظامي أو اى شيء حلو ممكن يتسمع فقلنا إن مش الكل بيحب يقرا الشعر الأيام دا بس لما بنخرج الشعر دا في صورة مسموعة أو مرئية بيزيد الإقبال والناس بتحب كدا حد معاي في النقطة دي الكل معاى الحمد لله أو ممكن تقول زى ما أتعلمنا في التنميه البشرية إن الناس فيها اللي سمعي أو بصري أو حسي المهم بلاش نطلع بعيد عن موضوعنا المدون معتز عادل عند حاجات كتير ..والراجل مشكور مش ممانع نبدأ نشتغل ونعمل حاجات كويسه زيه بالضبط المدون منذر .. له حاجات كميله خالص زيه شمس زيه أحمد سعيد زيه حمادة زيدان كتير من الشباب معانا لهم كتابات وقصائد حلوة .. ممكن أنها تخدم القضايا اللي بنتشتغل فيها وحتى لو برا قضايا الحرية ... لو عن المشاعر .... لو عن الوطنية ... لو عن اى شيء إن شاء الله