بجد خلاص هتروح الجيش وتبقى جندى مجند ؟؟
لا فى الحقيقه لسه شويه على أنى أسمع هل هكون جند مجند فى جيش الوطن
ولا هكون جندى مجند فى خلاط الحياه الكبير
يعنى أنا الان فى فترة التجهيز والكشف الطبى ... والكل عارف كل الشباب بيدعى ربنا فى الموقف دا أنه ياخد أعفاء
أو تأجيل ... المهم ميدخلش الجيش بأى حال من الاحول
حد سأل نفسه ليه كل الشباب كدا ؟؟؟
هل هو عدم وطنيه من الشباب وعدم أنتماء للوطن؟؟
هل هو خوف من الحياه العسكريه ؟؟
هل هو خوف من تضيع الوقت فى الجيش بدون فائدة ؟؟
صراحه ممكن تعد حاجات كتيرة وهتلاقى مبررات كتير تبرر الحاله المزاجيه للشباب اتجاه عدم رغبتهم في دخول الجيش
طيب واحد فيكم قام وقف ورفع ايده وسألنى ... وانت ياعم الشاعر ... نفسك فى ايه .. تأخد سجن سنه ولا 3 سنين ... قصدى تخش سنه عسكرى ولا 3 سنين ظابط ... ولا ربنا يكرمك وتاخد تأجيل ... او يطلع نظرك ضعيف ولا عندك فلات فوت ... وتقطع صابعك الصغير وتأخد معافاه؟؟؟
أجاوب على السائل وأقول
أسأل الله عزوجل الخير ... فان كان فى الجيش خيرا ... فأسأل الله ان اكون جند مجند فى جيش الوطن
وان كان فى غيره الخير ... فأسأل الله عزوجل ان يعافينى
ولكن على كل حال بدأت أفتح الجوجل وأبحث عن درس للشيخ وجدى غنيم بارك الله فيه قد شد انتباهى من فترة
وهو سلوك المسلم فى الجيش ... لكى أتأهل نفسيا لهذة الايام
ولكن اقول فى النهايه
لو قدر الله لى ان اكون جند مجند فى الجيش .... سألعن الظلم كل يوم .... مش معنى كدا انى تبع الحكومه الظالمه
اللى حكمت على الشعب الجوع والمرض والذل... وعلى شرفاء البلد بالسجن والكل يعلم
وقال ايه علاوة للشعب الغلابان 30فى الميه ... وحتى يتم تطبيق العلاوة على الشعب والموظفين .... لم تمر ايام وتم رفع سعر البنزين والسولار الى 50 فى الميه
يعنى أحسبها اى مواصله حضرتك بتسافرها بالضعف
وعجبي عليكى ياحكومه مصريه .. تستخف بعقول الشعب المصرى
بقول ايه هسيبكم شويه ونتقابل ممكن قبل الجيش او بعده ... المهم دعواتكم لنا بالثبات
سلام عليكم
محمد الشاعر
اللهم اهده إلى ما فيه الخير والصواب
ردحذفربنا يقدر كل الخير حيث كان ويرضيك بيه ويصرف عنك السوء بما شاء
ردحذفكان الله لك
تحياتي
ربنا يكرمك ياشاعر وتطلع من الجيش
ردحذفاستبشر خير يا شاعر وربنا معاك وان شاء الله تاجيل
ردحذفعااااااااا
ردحذفوالله يا بنى لو رحت هزعل اوى
وهتقهر كمان
يارب تاخد اعفا
احمد
ربنا معاك..وحتى لو لا قدر الله دخلت ...خد اى شئ بنية كويسة واتعلم ع قد ما تقدر حتى لو المكان ملان ظلم
ردحذفربنا يكرمك ويقدم لك اللى فيه الخير
ردحذفواللى مكتوب هتشوفه
وفى السماء رزقكم وما توعدون
ربنل يكون في عونك الايام ده بتبقا ايام صعبة اويييييييييييييييييييييييييي
ردحذفشد حالك و بجد يارب تطلع اعفاء مش علشان احنا مبنحبش الجيش لا خالص علشان علشان هو ملهوش لزمة او مبيعملوش حاجة ةمفيدة ز النفسنة بتبقا علية جدا و نصحني لك اسمع شريط سلوك المسلم كمجند
و شد حالك
وانا لله و لنا اليه راجعون
ربنل يكون في عونك الايام ده بتبقا ايام صعبة اويييييييييييييييييييييييييي
ردحذفشد حالك و بجد يارب تطلع اعفاء مش علشان احنا مبنحبش الجيش لا خالص علشان علشان هو ملهوش لزمة او مبيعملوش حاجة ةمفيدة ز النفسنة بتبقا علية جدا و نصحني لك اسمع شريط سلوك المسلم كمجند
و شد حالك
وانا لله و لنا اليه راجعون
معاذ عبد الكريم
ربنا يعينك....وافتكر...عينان لا تمسهما النار عين بكت من خشية الله وعين باتت تحرس في سبيل الله
ردحذفالسلام عليكم
ردحذفوعسى ان تكرهو شيئا وهو خيرا لكم
محدش عارف الخير فين ربنا يقدرهولك
ان شاء الله حيث كان ويعينيك وييسرلك
احوالك جميعا والحمد لله انك لائق بدنيا
الاهم انك تكون لائق نفسيا ان شاء الله
ونحمد الله على كل حال ولا تنسانا من دعائك ان شاء الله
السلام عليكم