الكل يعلم جرنال الدستور .. ونعلم أيضا كم المتابعين للدستور الاسبوعى واليومي .. ونعلم جميعا مدى ثقتنا في الدستور
وكذلك نجد قاعدة عريضة من المثقفين والسياسين تتابع المصرى اليوم ... ويكاد تعتبر من أقوى الجرائد معارضه في مصر ومثال للصحافة الحرة
وأنا عن نفسي أتابع الدستور الاسبوعى جيدا وقليل من الإعداد اليومية
ولكن للأسف اليوم وهو الموافق 30/10/2007 المتابع الجيد لكل من جرنال الدستور والمصري وفى الصفحة الأولى ..... هيكون رد فعله الطبيعي زى ما انا قلت
مش معقول
مش معقول ليه ؟؟
هنقول ليه
وبالصور
كل الحكاية وما فيها خبر واحد في الدستور والمصري اليوم .... يحمل نفس الصورة
مش مشكله يمكن المصور اللي شغال في المصرى اليوم شغال بعد الظهر في الدستور
المشكلة إن الصورة اللي محطوطة في الدستور وهى هي اللي موجودة في المصرى اليوم صورة لموضوع تانى ليس له صله بالموضوع.
ازاى ياعم الشاعر ؟؟
أقول لك ازاى
الخبر في الدستور بيقول :: ألاف من الطلاب ينظمون مظاهرة ضخمة بجامعه المنوفية للاعتراض على حبس الصحفيين وتزوير الانتخابات
حلو أووي لحد كدا
الوحش بقى في الموضوع
الجر نال حاطط صورة وكاتب تحتها حشود أمنيه لمواجهه مظاهرات طلاب المنوفية أمس
إيه المشكلة طيب؟؟
المشكلة ياسيدى إن الصورة دي صورة حشود أمنيه .. ايوة حشود أمنيه .. بس مش في جامعه المنوفية
أمال فين؟؟
الحشود دي كانت في وسط البلد وتحديدا أيام الوقفات والاعتصامات والمظاهرات للتضامن مع القضاة
ودا لا يليق بجريدة زى الدستور أو المصرى اليوم أنها تستخف بالقارىء للدرجة دي
عارف لو كان الموضوع دا نزل كدا في الدستور وشكرا
كنا قلنا غلطه في التنسيق داخل الجر نال أو صورة أتبدلت أو اى حاجه
المشكلة الأكبر
تجد نفس الخبر بنفس الصورة اللي هي الصورة التي لا تمت للموضوع بأي صله
أنا بجد حقيقي مش عارف تحليل للخبر دا
وهو بس سؤال هسأله لكلا الجرنالين ؟؟؟
هو انتوا مثلا بتستخفوا بعقولنا .. ولا انتوا مش عارفين إن في ناس مثقفين وسياسين ..ومدونين متابعين الأحداث... وحفظنها بالصورة ولا إيه؟؟
وهو مش كفاية أخبار بايته .. وأخبار متفبركه .. زى الاستاذ علاء القهوجي عندنا فى المنصورة .. لما حرمنا من زيارة الاستاذ عمرو خالد للمنصورة
كفاااااااااايه بقى نستخدم الجو جل googel شويه ياجدعان
انزلوا وهاتوا صور للواقع مش صور لأحداث مر عليها سنين
وفى النهاية بنقول
إلى الاستاذ تامر أبو عرب .. وسليمان سعيد من الدستور
صورة تمااااااااااام ومعبرة عن الحشود فى جامعه المنوفية ... وعاوزين كدا شويه صور حصريه كمان
وبقول للأستاذ أحمد شلبي من المصرى اليوم .. المصور بتاعكم دي تمام ... عاوزينه معانا .. ولو بعد الظهر
أنا بقى بعد الكلام اللي قلته ... حابب اعرف رأى المدونين فى اللي بيحصل فى الصحافة المصرية الأيام دي
وعلى فكرة فى خبرين بنفس الصور .. وصباح الخير يا صحافه ... ومساء الخير يا صحفيين
واسف البوست دا خارج عن اهتمامات المدونه بس هعمل ايه ...أصلى فقدت الثقه فى اى جرنال
.... وسلام
أشوفكم أمس
دى الصور للمقالين بالصورة اللى هى مش الصورة حلوة والله ......... صباح الجمال
الخبر الاغر فى الجرنال الاغر المصرى اليوم 
نفس الخبر بنفس الصورة فى الجرنال الاغر الدستور
الله ينور عليك يا أخويا يا شاعر
ردحذفملاحظة مهمة جداً وجاية في وقتها
يعني حتى الصحافة اللي بنقول عليها صحافة حرة بيكتبوا مقالات وعناوين مفبركة ... ربنا يصبرنا على اللي إحنا فيه وهنعمل إيه بقى كل ده في مصلحة جهة واحدة لتشويه سمعة بعض الجرايد
ولو بصيت للموضوع من أساسه يا شاعر هتلاقيه إن قديم أوي لإن الفبركة والمقالات المضروبة من قديم الأزل مش دلوقتي بس والظاهر كده إن العدوى انتشرت في بقيت الجرايد
يلا سينا زي سونيا يا شاعر
على فكرة يا شاعر
ردحذفنسيت أقولك إني أول تعليق وليا الشرف إني أكون أول تعليق أي خدمة يا شاعر
تحياتي ليك يا حبيبي
ياسيدي وايه الجديد
ردحذفماهو ده المشهود والمعروف في كافة صور الجرايد المصرية
اهو طلسئة وخلاص فبرك فبرك وحط وفرقع وخلي الناس تفور
مش عارفة ان كان ده كسل منهم
ولا استهزاء بعقل وفكر القاريء يمكن بيستهيفوه
ولا ايه بالظبط
مشكور علي الملاحظة ديه
تحياتي
ميه ميه يا محمد
ردحذفانت قاعد يبنى فاضى ولا ايه اليومين دول
بتبص على الصور
دانا بحيب الجرايد اقرا
صفحة الوفيات بس
هههههههههههههههههههه
ده عادى يبنى
هو الناس بطلت تتعب
والحاجه الجاهزة مفيش حاجه اجمل منها
تسلم يا محمد
أخوك دائماً..أحمد سعيد
نوشه حبيب قلبى .. مشكور على المرور الكريم
ردحذفوايه الجديد
ردحذفما هما دايمين بيسهونوا بينا وبعقلنا
بس دة مش هيحصل تانى
طول ما فى ناس صاحيالهم زيك يا شاعر
تحياتى
أختنا بنت الاسلام
ردحذفمشكورة على المرور الكريم
وفعلا دا بقى الطبيعى
بتاع الصحافه المصريه
حتى المعارضه كمان
عمو المهندس أحمد سعيد
ردحذفانا لا فاضى ولا حاجه
لو تفتكر أخر مرة كنا مع بعض
وكان معانا دومه
ودومه اشترى الدستور والمصرى اليوم والبديل
وللأسف 3 أخبار متكررين فى 3 الجرايد
مهزله
احنا اكتفينا بالخبر دا
عارف الشىء المحزن ان الخبر فعلا على النت
وبنفس الصورة
يعنى صباح السرقه للأخبار
والمقالات من المدونين
اشوفك أمس يا بشمهندس
هههههههههههههه
ردحذفلأ جامده
بس ممكن افسر اللى حصل بوجهة نظرى السطحيه
الجريدتين طبعا لا غبار عليهم حتى الان ولكم تفسير ما قد يكون حدث
نزل المحرر الصحفى راح المنوفيه يجيب الخبر وينقل الحدث حصل اى شيىء ( لا اعلمه طبعا احسن تفتكرو ان انا ) ولم يستطع ان يأخد صور للموضوع فاستخدم ذكاؤه بغباء شويه وعدم وعى منه بنوعية قارئى الجريده فلقى صور قديمه تقضى الغرض حطها ( على اعتبار ان الناس مش مركزه يعنى ) ميعرفش ان واحد ماشاء الله زيك ياشاعرنا هياخد باله
هههههههههههه
اما بقى بالنسبه لتكرار الصوره فربما زى ماقلت او ربما جريده بتنقل من التانيه الله اعلم
ايه رأيكو فى التفسير العبيط ده يمشى ولا؟؟؟؟؟
مدونتك جميله ياشاعر
استمر
تفسير ايه بس يافندم
ردحذفالخبر من على النت
ما تغيير من العنوان
بالصورة
... مساء الخير على أحسن صحافه ... واشطا جدا الصحافه بتدن
اخي الفاضل الشاعر
ردحذفانا راي في كل الصحف الموجودة حاليا على الساحةماهي الا صحف المصالح الشخصية فتنظر من ستجني من خلفه الاموال ومن ستأخذ من ورأه السيط والشهرة وتبدأ بالكتابة عنه
سواء مادحة فيه او ناقمه ساخطه عليه
سواء اخبار صحيحة او اخبار مفبركةسواء صور صحيحة او صور مضروبة
هي مش بتجيب من وراك فلوس والسلام
لذلك انا لا اثق مطلقاص بكل هذه الجرائد وان كنت من متابعي الدستور على فترات
وفيها مقالات بها الكثير من الصحة والموضوعية الا انها تلعب الجانب المربح وحسب واتفق معك في كل ما قلته
صاحب مدونة ميخا
شكرا يا شاعرنا على الملاحظات دي مفيش تعليق اقدر اقوله غير انه الفبركة طالت كل شيئ حتى صحف المعارضه او المستقلة كله ماشي على مبدأ كله تمام يا فندم وعك وربك يفك والله الواحد مبقاش عارف الصح من المفبرك وربنا يستر علينا بجد لنتفبرك احنا كمان وعجبي
ردحذفأخوى جمعاوى الاصيل
ردحذفمدونه ميخا
منور المدونه ياخوى
وهقول تانى
صباح الخير على الصحافه المصريه
وتحيه طيبه لكل مدون حر
اخوانا مدونه حكايتنا
ردحذفمدونتك النر بتاعها رااااااائع
والشكر لله ياسيدى
فبرك فبرك
كل مفبرك
تناسوا ان فى مدونين متابعين
احتررررررررررمونا ياخوانا
واحترمووووووووو
القارىء اللى وثق فيكم ولو مرة لله
السلام عليكم ورحمة الله وبركاته
ردحذفشاركونا بحملة الحرية للشرفاء على مدونتي
ننتظر تفاعلكم
جزيتم خخيرا
مشاركون معاكم ان شاء الله أختنا
ردحذفوشرفنا مروركم الكريم
حلو البوست اوى ياشاعر ودليل على ان فى ناس عندها قوة ملاحظه ومش بتقرا الجرايد وخلاص بس دى مش اول مرة تحصل الجرايد بقت كلها شبه بعضها ونفس الاخبار ونفس الصور
ردحذفمشكورة ريهام
ردحذفعلى المرور الكريم
بس انا صدمت بس
مكنتش اعرف ان دا لطبيعى فى الجرايد
وكمان اللى بثق فيها
يلا خير
ادعوا معايا إن حال الصحافة يتغير في مصر من شجاعة صحافيين إلى حرية صحافيين ماشي يا عم الشاعر
ردحذفما شاء الله يا شاعر بتشتري الجرايد
ردحذفدة انا كرهتها يا راجل
واضح انك انسان لماح
ردحذفومش اى واحد يلاحظ مثل هذه الاشياء
لكن من المعروف
ان غالبة الصحفيين وليس كلهم طبعا
ليس عنده الامانة الصحفية
وبعدين طالما ان الصورة صورة لجحافل الامن
فهى جديدة وقديمة
يعنى تنفع لكل خبر
هو الامن سايب لنا رقبة
يحاصر الطلبة
ويحاصر القضاة
ويحاصر الكل خنقنا والله
مش تزعل قوى
هى هى حتكون نفس الصورة
ممكن الاشخاص يبدلوا اماكنهم بس هى دى كل الحكاية
خلى نيتك حلوة
مش تكون شكاك فى الصحفيين بالدرجة دى
مع تحياتى وتقديرى
صلاح شنان
مدونة صيحة حق
http://salahshnan70.maktoobblog.com/
حسن البنا
ردحذفمنور المدونه
وربنا يجعل لك من أسمك حظا
منور تانى مرة
شمس منورنى
ردحذفشوفت الخيبه
بشتريها
بس لما متحترمنيش
يبقى متلزمنيش
منور
اخوى صلاح
ردحذفهى المشكله فى الصورة
المشكله فى اللى مكتوب تجت الصورة
الناس بتفقد الثقه بس
وعلى فكرة
انا بس بلفتا النظر
وسؤال
لما الصحفى يقعد على الكمبيوتر ويجمع الاخبار
يبقى صحفى
دا المدون مننا يبقى برقبته
يلا كفايه كدا
السلام عليكم
ردحذفالواحد مش عارف يضحك ولا يبكي
ويسمي دي صحافة ولا يسميها
مهزلة واستخفاف بعقول الناس
لا حول ولا قوة الا بالله
علشان كدا بيتقال علينا دايما
ان عمرنا ماهنتقدم خطوة
لقدام ابدا لما يكون الصحافة
اللي بتتكلم عن الناس مفيش فيها
مصداقية امال مين بقى اللي
هايحس بيهم ياعيني عليك ياشعب ياغلبان
جزاكم الله خيرا اخي على التوضيح
ولفت الانتباه جعلك الله نموزج
للصحافة الصادقة
السلام عليكم
مشكورة بنات افكارك على المرور الطيب
ردحذفالسلام عليكم ورحمة الله
ردحذفحبيبي محمد الشاعر
وحشتني والله فعلا
علي فكرة انت لسه بتقرا الصحف بتاعت الأيام ديه
علي فكرة انا لا اثق في اي جريدة مصرية
معارضة وغير معارضة
لانك طبعا عارف الحكومية
والمعارضة الصحفيين الي فيها يدوب بيدخلوا علي النت واعمل كوبي وبيست
بيست وعصير وجاتوه وحاجات كتير
بس انا عندي امل ان المدونين والمدونات يكونوا الصحافة الحقيقية
وياريت نفكر مع بعض ازاي نكون صحافة مصرية عن طريق التدوين وديه دعوة بوجها لكل المدونات
دكتور هانى
ردحذفمنور المدونه
وانت وحشتنى أكتر ةوالله يعلم
سلملى بس على الناس بتوع الاسكندريه
الحلوين
المحترمين
وابقى نورنا
فى المنصورة
نعملوا معاك احلى واجب