السلام عليكم
صلاة العيد فى صور
حد يسأل ... حتى صلاة العيد لم تسلم منكم ؟؟
يعنى هتعملوا لنا تغطيات للعبادة
هنقول لا والله عادى جدا نوع من الفرحه مش أكتر
فحبيت أنقل لكم جو وروح الصلاة الجميله فى قريتنا بالصور
لأن الصلاة فى الخلاء ... متعه مابعدها متعه
ونحن من زمان بعيد ... نقوم على تجهز الخلاء للقرية
مش هتكلم كتير ونخلى الصور تتكلم أحسن
موافقين
تعالوا بينا
دى صورة بعد الفجر على طول .... لشباب الاخوان ربنا يبارك لنا فيهم وهما بيجهزوا الفرشه للصلاة
ربنا يبارك فى صحه كل شاب وكل شبل وكل أخ ساهم فى التجهز للصلاة فى الخلاء
حد يقول أمين
طبعا الخلا فااااااااضيه ...........لسه الناس نايمه .................. كمان صورتين هنشوف الناس مش لاقيه حتى تصلى فيها
نكمل أحسن هو أنا برغى ليه ؟؟؟
كملوا وسيبكم منى
وبدأ ت الناس تصحى من النوم .... الاخوان فى أستقبال الناس الحلوة اللى جاى تصلى فى الخلا
كملواااا
ايه الجمال دا ... القدس لن تضيع .... تسلم يد المهندسين اللى عملوا الاشكال الجميله دى
الخلاء بدأت تزدحم ولسه حوالى نص ساعه على الصلاة ... مش مشكله ربنا يزود المسلمين .... بس اللى فاهمين .... وعلى نظام حسنى مش راضيين
واقفين ليه ياشباب ... بجد كمان دقائق وهتصلوا على الارض زى ما حصل لى 
بردة واقفين ... ذنبكم على جنبكم
الاخوان المسلمون يهنئون أهل القريه بعيد الفطر
فرحه الاشبال من الفجر بالعيد .... هى العيد والله
عند النساء ربنا يكرمهم ..... ماشاء الله كل سنه عددهم بيزيد ... دى كانت على الارض عندهم ... الحجاب عفة
دى صورة الناس وهى فى أول تكبيره واللى طالعه دى مش شجرة .. دى من الديكور ... أقصد من الزينه اللى بنعملها فى اليوم 
الشاب دا حد يعرفه ؟؟ لو حد عرف هو مين يبقى يقول لى
بين الحقيقه والسراب .... كلمه
كل سنة واهل القرية كلهم طيبين
ردحذفوفرحة مابعدها فرحة
وربنا يكرم كل من شارك وجهز وصور كمان
وعيد سعيد علينا جميعا
يارب
رزقتم السعادة والهناء
ردحذفوكانت ايامكم كلها اعيادا بلا شقاء
كل عام وانتم بخير
أخت بنت الاسلام
ردحذفربنا يكرمك
دعواتك
اختنا النجمه الصاعده
ردحذفرزقنا واياكم كل الهناء فى حياتنا
كل عام وانت بخير وسعادة وتقدم وريادة
ردحذفربنا يجعل كل أيامك أعياد
ويقر عينك ويبتهج قلبك بأكبر عيد
ألا وهو عودة الإسلام لأستاذية العالم
كل سنه وانت لله أقرب
ردحذفوعلى طاعه ادوم
أخوى ابو حنين