يوم من حياتي

أمبارح اللى هو الخميس الموافق 4/10/2005 كان يوم من أيام حياتى اللى كان فيها حاجات جديدة وجميله

هو اليوم بدأ من الفجر .. صليت الفجر .. ونمت في المسجد
( فى الاعتكاف )
الشباب صحونى على الساعه 8

محمد .. محمد مش هتروح الشغل ... اه هروح .. طيب قوم
قومنا وصلينا الضحى ولبسنا وجهزنا حالنا وطلعنا على الشغل

بعد ما خلصت شغل ألتقيت بصديق ومدون حبيب الى قلبى
هو مدون نشط .. صاحب مدونه شاعر اخوان .. صاحب حمله المليون وجه ضد وجه الرئيس .... يعنى رد سجون .. ولا أعرفه

المهم .... روحت مع أحمد سعد دومه بصفته راجل شاعر وانا بحب الشعر وبكتب القليل منه الغنائى

فضلنا نتبادل القصائد

اذن المؤذن للمغرب وكلنا شوق وانتظار للموعد .. لأننا كنا جعانين وعطشانين وكل حاجه

المهم بيت دومه كل كرم .. فطرنا .. وبعد الفطار فى الحال توجهنا الى دمنهور .. حيث مقر نواب البحيرة

حد يسأل ليه ؟؟

أقول لكم ليه

كان فى أمسيه أدبيه شعريه يحضرها
المهندس الشاعر وحيد دهشان .... والشاعر محمد جودة
والمفترض عمنا الحج نجم بس ظروف تعبه منعته

المهم وصلنا بعد العشا .... صلينا المغرب والعشا جمع تأخير

وصلينا التراويح وراء كل من الشاعر وحيد دهشان ومحمد جودة ودومه بالتبادل

وبعد الصلاة بحوالى نص ساعه بدأت الامسيه الادبيه

وبدأت الامسيه بالشعراء من أهل البحيرة ودمنهور ... كل واحد كان يطلع يسمعنا اللى عنده

من على اليمين الشاعر حسن .. م وحيد دهشان .. الشاعر محمد جودة




صراحه كان فيه ناس ممتازة ... وناس على قدها .. المهم الغالب كان ممتع

الأمتع بقى لما تسمع واحد من الاتنين

الشاعر وحيد دهشان عندما يتكلم ... تعيش معاه من أول بيت لأخر بيت

والشاعر محمد جودة .... شعر جسم يقف من أول بيت بيقوله

المهم بدأ الشاعر محمد جودة بكام قصيدة وكأن أخرهم قصيدة سارة
بكرة فيها لدرجه أنه لم يستحمل أنه يكملها .

وأكمل بعدها المهندس الشاعر وحيد دهشان ... وطلب من الحضور انه كان محضر حاجات بس هيقول حاجه تغير الجو اللى موجود دا ( جو قصيدة سارة ) المهم قال قصيدة عن أهل بنى سويف .

حكى فيها تجربته الشخصية مع أهل بنى سويف ...

وألقى قصيدة تهنئه بالعيد ... وفرحه الطاعه فى رمضان

بصراحه الواحد كان قاعد فى منتهى السعادة فى وسط الشعراء الغايه فى الجمال

وطبعا مسبتش حاجه اللى ما سجلتها

وبالصوت والصورة

سجلت شعر الاخوة الكرام والاخوات اللى طلعوا يعرضوه .. بس طبعا الناس كانت كتير

ان شاء الله جارى رفع شعر أحمد دومه ( شاعر الاخوان ) .. وشعر أخ اسمه حسن ... تسمعه تقول بتسمع أمين الديب التانى .. حاجه روعه




وان شاء الله جارى رفع شعر المهندس وحيد والشاعر محمد جودة

وفى نهايه الامسيه أعلن المهندس وحيد دهشان عن مسابقه نصها الاتى



ودى بعض الصور لنا مع الشعراء الكرام



أحمد سعد دومه مع أستاذه مهندس وحيد دهشان




المدون محمد الشاعر مع الشاعرمحمد جودة




دومه مع استاذه محمد جودة

المدون محمد الشاعر مع المهندس وحيد دهشان

دى بقى صورة بعيد عن الموضوع ... بعد سفر متعب جدا ... صورة للنيل من تصويرى ... معلشى أخوكم بيعشق البحر



ها صور تمام ولا اى كلام



على العموم





منتظر رأيكم الى حين ان شاء الله ارفع ما قدمه كل من الشعراء فى هذة الامسيه الاكثر من رائعه


أول فيديو شعر الشاعر أحمد سعد دومه بعد الرفع

شعر الشاعر محمد جودة ... ربنا يفتح عليه كمان وكمان

ايه ياوطن .... ايه اللى نابك

عشاق عيونك .. ليه تغميهم
قايدين شموعك .. ليه تطفيهم
وحنيانيك .. ليه تقسيهم

ليه اللى غزلوك فى المصانع .. واللى زرعوك فى الغيطان .. واللى كتبوك فى الشوارع

على الحيطان تشطب اسمايهم
ليه ياوطن

قصيدة سارة التى أبكت الشاعر والحضور

شعر الشاعر الكبير المهندس وحيد دهشان