السلام عليكم
وصلنى من الجغرافى تاج ... وأخذت التاج .... ولبست التاج
وبدأ الجغرافى يسألنى واجيب
ولكننا ونحن نجيب تذكرت اخواننا وراء السكون فوقع التاج من فوق رأسى
استرحنا قليلا
وفى الوهله الاولى نبدأ استكمالا
يأتينا خبر مؤلم أخر
دكتور عصام وشويه من اخوانه شرفوا فى زيارة كام يوم
يسقط التاج للمرة الثانيه
ومن وقتها رفضت ان البسه ثانيه
لحين ان يهدأ روعى
لأننى عندما اسمع عن الظلم ينبض قلبى بنبضات اسمعها ليس خوفا بل بدايه لارتعشات جسمى ونفضته
انتفض واصرخ واقول لما الظلم؟
المهم
وقع التاج
واليوم
اضعه على المدونه
وبعد ما قرأت للأخت أروى الطويل فى الدستور التاج علينا حق ..أحسست ان التاج على المدونه كالموت .. علينا حق
لا مفر منه
قلنا نبدأ على بركه الله ونرفع التاج دا
ومشكور أخونا الجغرافى
ونبدأ ونقول
السلام عليكم .............................. منورين والنور هيولع المدونه
أحب شخص لقلبك فى الدنيا؟
الشاعر : أمى
انسان مستعد تضحي بحياتك – ركز فى كلمة حياتك - عشانه؟
الشاعر : أمى
انسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك؟
الشاعر : هو مفيش شخص بعينه بس اللى ممكن اقوله ( الانسان اللى بيجعل من التدين ستار لأنه يوصل لحاجات غير شرعيه ممكن اعمل فيه كدا ) طبعا مش هقتله بس دا هيكون شعورى
ما هو: اسم اجمل كتاب قراته ومحتفظ بيه حتي الان ؟
الشاعر : الرحيق المختوم
اسم كتاب انت متعلق بيه وبتقرأه كل فترة؟
الشاعر :حاليا كتاب جديد لكاتب كريم الشاذلى اسمه الشخصيه الساحرة
اهم جهاز منزلى انت متعلق بيه او بتستخدمه كتير؟
الشاعر : طبعا الكمبيوتر بدون منافس
شىء تحس بالراحة النفسية عندما تنظر اليه؟
الشاعر : البحر
مكان تحس فيه بالحنين الى شىء لا تدرى ماهو و ذكريات جارفة الى لاشىْ
الشاعر : الجامعه
مكان تحس بالراحة عندما تدخله؟
الشاعر : طبعا المسجد وبعديه البيت
اجمل مدينة زرتها داخل مصر؟
الشاعر : الاسكندريه ... علشان البحر
أجمل مكان طبيعي رأيته داخل مصر ؟
الشاعر : البحر من أجمل ما رأت عينى ...وبعده الحقول فى القرى والمساحات الخضرا .....وجانين جامعه المنصورة
شخصية كارتونية بتحبها؟
الشاعر : مش بتفرج على كرتون
نوع هاتفك المحمول؟
الشاعر :موتورولا
سرعة بروسيسور جهازك؟
الشاعر : ايه الاسئله دى ياعمونا
سرعته صاروخ 1.7
حجم ذاكرة –هارد- جهازك؟
80 gb
المساحة التى تشغلها المواد الاسلامية على جهازك؟
حوالى 60 جيجا
نفس المساحة السالف ذكرها فى قلبك -الاجابة لنفسك عشان الرياء يا اخواننا -؟
الشاعر : ربنا يرزقنا الاخلاص ياعمونا ... لالا يرزقنا الزيادة فى الاخلاص
أهم هدف انت واضعه لحياتك الآن؟
الشاعر : مرضاه الله والنجاح فى الحياه
مواصفات فتاة الأحلام بالنسبة لك؟
الشاعر : ما بلاش الكلام فى الموضوع دا
على السريع
عاوز
بنت
من
الاخوان
ملتزمه بدينها
حق الالتزام
نشطه فى دعوتها
وتكون بنت حلال
هتقول لى والجمال
هقول لك مفيش حد هيقول لك والله انا مش فارقه معاى اى حاجه
يبقى بيضحك على نفسه او بيضحك عليك
بس انا عاوز جمال الروح
قبل جمال الجسد
كفايه بقى علشان الكيبورد لها شطحات
كفايه كدا ونكمل فى حلقه اخرى او حته تانيه
ههههههههههههه
صف ما يأتى:شعورك لما بتسمع كلمة مصر ؟
الشاعر: مصر .... بحس بالعزة ومع أول قفا بحس بالذل
بحس انها مش بلدنا .... بحس انها عزبه مش اكتر
شعورك لما بتسمع كلام عن اليهود؟
الشاعر : هفرح يعنى ... اقول لك بحس بالعجز .. اه والله
مهو انا مش مختلف معاك انى عاوز اموتهم او بكرهم
بس بالفعل بحس بالعجز
هما فين فى العمل والعلم والتكنولوجيا وووووو
واحنا فين
بس
شعورك لما بتشوف ظابط شرطة؟
الشاعر : عادى جدا مش بحكم عليه الا لما يكون فى احتاك فى التعامل
لأن فى منهم ناس بتخاف من ربناوعارفه ان فى يوم تجتمع فيه الخصوم
بس فى الغالب شعورى بيصبق الاحتكاك من تصرفاتهم معانا ومع الشعب
شعورك لما بتشوف الكناس العجوز فى الطريق؟
الشاعر : ببقى عاوز اعيط واخاف يقولوا على مجنون
بجد والله لما بسافر واشوف مناظر زى دى من الشعب ومن الناس ببقى عاوز ابكى وبصوت عالى
بس بخاف يقولوا المجنون اهوة
أفكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟
الشاعر : ببقى مشفق عليه كتير ..... واحب اقول له ان دا مش الاسلام .... الاسلام جو المسجد وسواك ... وبر لا
المسجد فى تعاملات وسياسه وأخلاق
خلص التاج ولله الحمد
دلوقتى هقلع التاج وهعطيه الى البوسطجى - لسه عايش
الشاعر 6/9/2007
أول تعليق كالمعتاد
ردحذفالإجابات دبلوماسية جدا
حخثفتسلم لنا ياعمونا
ردحذفهنعمل ايه
انتوا اللى علمتونا كدا
اسئله جميله وإجابات اجمل
ردحذفتحياتي
أكرمكم الله
ردحذفوأعزكم
وبارك فيكم