مهرجان طلاب الاخوان المسلمون بجامعه النصورة

السلام عليكم كيف حال الشباب يارب يكون الكل بخير بوست جديد ونقول

......................................
أقام طلاب الاخوان المسلمون بجامعه المنصورة مهرجانا ً فنيا ً تحت عنوان
متفائلون
فى تمام الساعه السادسه مساء يوم الخميس الموافق 26/7/2007 بنادى الصيادله بطلخا .
حيث بدأ المهرجان بأيات من كتاب الله المبين .
جاء بعدها فواصل شعريه تتخلل الكثير من الاناشيد الحماسيه ، مثل أغنيه – ياقدس انا قادمون – واغنيه – يابا القدس نادت وغيرها من الفواصل الشعريه الممتازة .
وكان لسان حالهم فى المهرجان الفنى
إرضاء الله غايتنا
والفن الهادف وسيلتنا
امتاع القلوب هدفنا

ثم جاء بعد ذلك اسكتش قصير – اسكتش حمو - ويحكى ان حمو عاوز يجمع تبرعات للشعب الفلسطينى، بس كان فى مشاكل كتير بتقابله لما بيكلم الناس حتى وصلت لحد الضرب والاستهزاء .

المهم الاسكتش انتهى ان كل اللى فى المهرجان اتبرعوا بطريقه ظريفه وجميله .

وبعد الاستكتش عاد شباب الاخوان الى مجموعه أخرى من الاناشيد الحماسيه .

ثم قاموا بعمل عرض مسرحى جيد بعنوان – مفيش بنا خاين –

وبيحكى عن اللى حصل فى غزة من حماس ، وان كتير من الناس عابت اللى حصل من حماس اتجاة عملاء فتح .

زى الاستاذ فخرى والمعلم وكل اللى قاعدين على القهوة - دول فى العرض المسرحى –

بس اللى حصل ان فى واحد فى الحارة ابنه دخل السجن بسبب أخوة اللى هو اسمه فتحى افيون لأنه هو اللى اخدة لتجارة المخدارت وتعاطيها

المهم اجمعت الحارى – حارة الشرفه – على طرد فتحى افيون من الحارة على اعماله

وبعدها يوضح الاستاذ ياسين ان دا زى موقف حماس

يعنى دول عملاء على شعبهم

فلازم من بترهم

المهم يرجع بينا الاستاذ فخرى ويقول

ياجماعه سبونا شويه من اللى ف فلسطين

شوف عندنا

شوف المسجنون
المدنين
المتحالين
لمحاكمه العسكريين

شوف حال شبابنا من سنين
شوف
شوف

ويرد الاستاذ ياسين

مهما كان مش هنكون زى اخوتنا فى فلسطين

وفى الاخر يخلص العرض المسرحى بدعاء كريم وجميل من الاخ ياسين

ويأمن كل الحاضرين المهرجان

ويحين اذان المغرب

يؤذن للمغرب

وننوى للمسافرين الجمع

وختم شباب الاخوان باغنيه ياحماس ثم اغنيه الف تحيه لجند حماس

ثم النهايه بالشعار

الله غايتنا


كدا خلص اللى حصل فى المهرجان

بالنسبه لى كل حاجه كانت حلوة ماعدا الجو . كان هو شويه لالا شويتن حر بالواحد كان لحد المغرب مش شايف قدامه .
المهم الشباب امتعونا بالاغانى الهادفه والفن الراقى

وانا صراحه ببقى فى منتهى السعادة لما بجد فى شبابنا بيهتموا بالفن
وبيأمنوا انه رساله بل من افضل الوسائل انها توصل رسالتنا لكل العالم

ويلا على ما ييجى مهرجان ولا مؤتمر تانى نترككم مع بعض الصور التى اتقطها لكم
شباب الاخوان فى نشيد - الله غايتنا

القدس لنا



مطويه بها كل الاناشيد التى انشدت فى المهرجان