حضرت مدونه الشاعر حفل اقامتهمجموعة من النشطاء والحقوقيين المصريين احتفالا براس السنة الجديدة على ارضجزيرة القرصاية في الجيزة تعبيرا عن التضامن مع اهالي الجزيرة في مواجهةالسلطات التي تسعى للاستيلاء على ارضها.
لومكنتش مصري بس عربيكانت هتبقى إيه نظرتك للمصريين واللي بيحصل في مصر دلوقتي؟
لو مكنتش مصري ... هاجى اعيش في مصر واخد الجنسيه .. حد يطول يبقى مصرى نظرتى للمصريين .. ناس جدعان ورجاله وولاد بلد اللى بيحصل فى مصر... هو فى حاجه بتحصل فى مصر .. احنا زى ما أحنا من 26 سنه وياعالم هيفضل لحد أمتى
لوكنت أوروبي أو غير مسلم بردو إيه نظرتك للعرب والمسلمين؟
ايه ياسيدى الاسئله دى المهم لو لو ... مع انها الو دى بيقولوا من الشيطان بس لو انا غير مسلم .. والحمد لله على نعمه الاسلام مسلمين اليومين دول وعرب اليومين دول ... كنت ممكن اخد وقت على ما أفهم يعنى ايه الاسلام ويعنى ايه العروبه ووحدتها بس اكيد كنت هقرأ واشوف سير السلف وسيرة رسول البشريه وان شاء الله ما كنت هتردد الدخول فى دين الله لحظه
لوقالولك إنت بقيت رئيس جمهورية هتعمل إيه؟
لا انتوا بتحلموا بجد وايه يعنى منحلم .. هو الحلم حرام وعيب ولا ممنوع الايام دى تصدق الاحلام ممنوعه الايام دى .. بجد ممنوعه حتى النومه محدش عاد فينا بياخد راحته ويحلم ليه ؟؟ الكل عارف
بس هحلم انى رئيس جمهوريه هعتقل الشعب واعيش لوحدى زى الزعيم
ياعم رئيس ايه .. دا انا مبحبش اقف امام فى المسجد .. بخاف على نفسى
عمر الفاروق بيقول والله لو تعثرت بغله فى العراق والله لسئل عليها عمر لما لم يمهد لها الطريق
بغله ... لمو أخذة حمارة أو حمار ... اتكعبل فى طوبه .. عمر رضى الله عنه هيتسئل
تعالوا شفوا بقى أسر فى شوارع القاهرة فى عز البرد نايمه على الرصيف
لوكان ينفع ترجع طفل تاني وتخليك طفل علطول هترجع؟ وليه؟
حرجع وحرجع وحرجع
ليه ايه ياعم .... على الاقل هتعيش مررررررررررررراتح البال .. لا مستقبل ولا حاضر ولا ماضى
لوإنت طبيب وعندك مريض ميؤوس من حالتهأيهما تفضلإنك تصارحه بالوضع وتقوله كل شيء بأمر الله في الاخرولا تغرس فيه الامل لغاية لما يموت؟
لا هقول له روح لدكتور تانى
ايه ياجدعان الاسئله دى
أمل وعمر ودكتور
لوسمح لك برؤية الرسول عليه الصلاة والسلام وإنك تقوله كلمة واحدة بسأو جملة واحدة بسهتكون إيه؟
أسأل الله مرفقتك فى الجنه
لوخطبت واحدة أو اتخطبتي لواحدوأثناء الخطبة اكتشفت أو اكتشفتي إن الطرف الآخرغير قادر على الإنجابهيكون تصرفك إيه؟
وايه المشكله هو الجواز خلفه وخلاص وكمان يما شوفنا ناس فضلت سنين متخلفش وربنا كرمهم لما صبروا
لوكنا في عصر ازدهار الأندلس كنت تتخيل نفسك إزاي؟
كنت اتخيل نفسى واحد من الناس زى اى الناس
دى باين اغنيه
معلشى جعان وانا بجاوب على التاج
بس عادى متخيل نفسى جندى فى جيش محمد الفاتح
لوأنا مررت التاج ده لحد وما جاوبش عليهأعمل فيه إيه؟
هعتقله فى الحال وتهمته انه لم يجاوب على التاج وفى طرق للتعذيب جديدة ههديها لكل اقسام الشرطه وامن الدوله
التاج الثانى على بركه الله
كنت طالب شاطر في المدرسة؟
ايوة ولله الحمد فى الابتدائى كنت قاعد فى تانى درج ودا فى الابتدائى يعتبر من الاوائل فى الاعدادى ولله الحمد كنت كل سنه باخد شهادة تقدير كنت بكون من العشرة الاوائل بس عمرى ما كنت الاول فى الثانويه العامه .. انقلبت الموازين شويه ... مراهقه بقى دخلنا كليه التربيه النوعيه .. قسم الحاسب الالى .. بعد ما حولنا من علوم قنا ... ولله الحمد دلوقتى ... خلصت الكليه بتقدير .. جيد جدا .. منتظر الجيش وبعدها نقدم .. تمهيدى للماجستير .. دعواتكم
ايه كانت أحب مادة ليك في المدرسة و الكلية؟
في المدرسه كنت بحب اللغه العربيه فى الجامعه كنت بحب البرمجه والرياضه
أكره مادة ليك في المدرسة و الكلية؟
فى المدرسه مكناش بنكره حاجه لأننا كنا بنحفظ كله فى الكليه بقى فى مادة اسمها تخيطيط البرامج بكرهها وبكره دكتورها الله ينتقم منه مطرح ما يروح بس قلبتوا علينا المواجع
كنت عايز تطلع ايه و انت صغير؟ وانا صغير
ازاى هطلع وانا صغير
اه حلمى وانا صغيرى لما أكبر يعنى
كان نفسى أكون مهندس علشان كانت رغبه فى وعند ماما .. بس الحمد لله
أغرب حاجة اتمنيتها هي إني ابقى؟ مش واخد بالى يعنى حاجه اتمنتها وطلعت غريبه .. افهم كدا يعنى
لا مفيش ... او مش فاكر
اسم مدونتك؟ اسمها الشاعر Alsha3r.blogspot.com علشان انا الكنيه بتاعتى كدا بين اصحابى واحبابى وفى حين ان انا بحب الشعر والقائه وبعضه الغنائى المتواضع اكتبه وكمان لما جيت احجز وافق على الاسم بس
هل فكرت في اغلاق مدونتك؟ و السبب صراحه .. فكرت كتير والسبب ومحدش يزعل بعض المدونين وبلاش نتكلم علشان الموضوع كبير شويه بس الناس الكويسين فىا لتديون بيهونوا علينا
صورتك فى المدونة رمزيتها؟ صورتى صراحه انا بغيرها من الحين الى الاخر اصل انا بعيد عنكم بحب التصوير اووووووووووى فتلاقينى بصور اى حاجه وبتصور كتير وعلى فكرة كل صورة لى مختلفه عن التانيه تماما
أحلى جملة قيلت لك في وصف مدونتك؟ والله مفيش .. بس غالبا الشباب اللى بيخش كلهم زوق.. بيقولوا كلام كويس ...ودا من زوقهم .. مش ان مدونتى يعنى حلوة اووى
التعليقات بالنسبة لك. أهميتها؟ مهمه ومش مهم مهمه لو موضوع محتاجين نعرف راي كل واحد فينا ايه ومش مهم لما يكون الموضوع عادى وعام ويكفينا واحد بس يشوف التدوينه يااااااه لما تأثر فى واحد وتغير عنده فكرة او مفهوم او تسمعه حاجه حلوة او يبقى موجود عندنا وهو سعيد او يبقى عاوز يقعد اكتر او ينقل شىء من اللى انت كاتبه كفايه على الواحد بس طبعا كل ما كانت التعليقات موجودة وفى تفاعل الواحد نفسه بتفتح للتدوين والكتابه مع ان الاصل الواحد بيعمل وعلى الله الاجر والثواب بس ممكن تقول نوع من التعزيز
ما احلى بوست كتبته ضع اللينك واذكر لماذا؟ والله مقدرش احدد بوست بعينه
احلى مدونة قريتها؟ صراحه كتير جدا ومش عاوز اذكر حد وانسى حد .. كل المدونات والمدونين اللى بيحترمونا وبيحترموا انفسهم فى كل كلمه بيكتبوها وبحس بالصدق فى كلامهم .. بتعجبنى .. سيبك بقى من التصميم والابيرنس بتاع المدونه .. اللى يهمنى أكتر المضمون
حد قل ادبه فى التعليق وعملت ايه؟ لا صراحه الى الان لم يحدث
ايه اللى هيحصل لايميلك لما تموت؟ مش عارف
اديت الباسوورد قبل كده لحد؟ ايوة أختى وماما بيخشوا عليه من على جهازى على طول
اسمك؟ مين والله ما انا انا أخوكم محمد الشاعر
اسم الدلع المشهوره بيه وسط اصحابى؟ الشاعر ... عطيه ... حماده
مجال دراستك؟ الحاسب الالى
شخصيتك نوعها ايه؟ انا هادى جدا .. بحب الهدوء فى بعض الاحيان وبحب الدوشه والهيصه فى احيان اخرى حساس لدرجه ممكن تكون رخمه شويه يعنى هتكلم عن نفسى كتير ... كفايه كدا عليكم التاج دا مودك ايه؟ بجد انا مودى جدا يعنى لما بكون فرحان ... ببقى حاجه جميله خالص على عكس لما اكون مضايق ممكن اعمل حاجات مش طبيعيه خالص ربنا يعافيكم ياارب
بتعمل ايه فى وقت فراغك؟
النت ثم النت ثم النت
الاكلة المفضه؟
المكرونه والفراخ
السفر بالنسبه لك؟ بعشق السفر
صفات اخدتها من بابا؟ مختش منه حاجه ... الا شكله بس ..وعينه الخضرا .. غير كدا انا وهو فى اتجاه .. حتى أيام الانتخابات .. اقسم على لو مشيت مع مرشح الاخوان .. لا انا ابنه ولا هو يعرفنى شوفتوا ..قلب الاب بقى
صفات اخدتها من ماما؟
ماما بقى اخدت منها كل شىء الطيبه الرقه الحب للناس بجد ماما حتى دلوقتى احسن منى فى حاجات كتير العبادات ... والنوافل كفايه ياجدعان انها شافت الحبيب حبيبنا رسول الله فى المنام وبجد دمعت عيناى مرة .. لما كانت نايمه معاى وانا بذاكر ... بتسلينى يعنى .. وفى عز نومها ووجدتها بتقول .. لا اله الا الله .. وتسبح ربنا .. ندهت عليها ماما ماما بحسبها صاحيه .. يتضح لى انها نايمه
اكتر 6 حاجات بكرهها؟ التكلف ... الانسان اللى يعيش توب مش توبه الكدب ... الانسان اللى يكدب ويصدق نفسه الخداع .. الانسان اللى بيخدع الناس بكلامه عدم فهم الدين .... اكتر شىء يبعد الناس عن الدين النت ... بوظ كل اجتماعتى وحاجه كدا أحتفظ بيها لنفسى
الشغل بالنسبه لك؟ الشغل بحس فيه بالمتعه مع انه متعب الكمبيوتر والنت بالنسبالك؟ زى الميه بالنسبه لى ... بس اوقات بينرفزنى تمرر التاج لمين؟ كل اللى يعدى هنا ... وفاضى ... وعنده وقت يجاوب ... ابقى سعيد لو جاوب
أقامت الحركة المصرية من أجل التغيير " كفاية " في مساء الأربعاء الماضي الموافق 12/12/2007 بنقابة المحامين بالقاهرة مهرجان يعد الأول من نوعه للشعر الاحتجاجي تحت شعار " والله زمان يا سلاحي " في الذكري الثالثة لأول مظاهرة احتجاجية لها في 12/21/2004
وفي الحقيقة أنا لحسن حظي كما ظننت أني كنت في القاهرة يومها . وأنهيت عملي قبل ميعاد الحفل بحوالي ساعة تقريبا .. وفي أقرب مسجد صليت الظهر والعصر جمع تأخير .. ولكن يتبقى نصف ساعة ... وأنا صايم والجوع يقرص علي .. طبعا الواحد لما بيكون شغال مش بيحس بالجوع على عكس لما بيكون فاضي على العموم وفى أثناء سيرى وأنا سرحان أجد شاب ظننته ينادى على " قوطة " أو " بطاطس " .. بنص جنيه .. بنص جنيه اى كتاب بنص جنيه وأنا سمعت الكلمة من هنا ووضعت عن يدي حقيبتي .. وبدأت أقلب في الكتب اللي بنصف جنيه دي .. المهم عجبنى كام كتاب شعر وكام كتاب عن الإعلام ... اشتريتهم المهم أنا كل شويه ابص في الساعة ... هو ليه المغرب لم يأذن إلى الآن
عمال أنا أسأل نفسي وسمعت الأذان يؤذن .. الله أكبر .... ولما سمعت الأذان .. أنا طبعا قاعد منتظر أمام مطعم .. انطلقت داخل المطعم ... وطلبت أكل وقلت له .. بسرعة الله يخليك ... قال لى حاضر يا شيخ أتفضل
"الله يبارك لك ياأمى .... مفيش أحسن من أكل البيت والله .... ولا الدموع .. أكل لا يسمن ولا يغنى من جوع"
المهم
نقابه المحامين على مقربه ليس بالبعيد عن المطعم " فردة كعب " .. دخلت في الميعاد .. خمسه بالدقيقة كنت في القاعة ... طبعا القاعة يكاد يعد على الأصابع الناس اللي فيها ... يعنى الشاهد لسه بدري ودا اللي حصل لم تبدأ الحفلة إلا خمسه والنصف .... بدأت الحفلة وبدأها الأستاذ محمد الشرقاوى بكلمه الافتتاح ثم بعد ذلك كلمه الأستاذ / عبد الوهاب المسيرى المنسق العام لحركه كفاية
ثم بعد ذلك قدم الصحفي / بلال فضل الحفل حيث بدأ بالشاعر / عبد الرحمن يوسف ثم تلاة مجموعه من شعراء كفاية ... اللي بجد كان فيهم اللي يستحق يطلع ويقول ... واللي مش عارفه جبوه ليه؟ في حين وجود الشاعر / أمين الديب والشاعر / محمد جودة المهم
شارك بعد ذلك الفنان / أحمد إسماعيل ... وبجد الراجل دا متعنى شخصيا وأمتع الحضور
راجل موهوب مش بيتكلف أو بيدعى انه موهوب
بعدها شاركت فرقة " حبايبنا " . وبعدها أنا مشيت على الفور مع الشاعر / محمد جودة
واستمر النقاش بيني وبينه حتى محطة المترو ... ووجدت في كلامه انه لم يكن حزينا على انه لم يقدم في أول الحفل أو أخرة وانه رغم كل مشاغله أتى بدعوة من الشاعر عبد الرحمن يوسف .... ولكن هو يأتي لكي يستفيد
على عكس شاعر أو كما يقال عنه شاب من بتوع كفاية ... والله بأم أذني سمعته يسب الدين لأنه لم تتاح له الفرصة أنه يطلع يقول الشعر ...دا ينفع ؟؟
المهم
أحب أقول ياريت يا جماعه يكون في الحاجات الادبيه دي شويه نظام .. وكل واحد هيطلع وياخد الميك .. يحترم الوقت شويه مش أكتر
وفى الأخر أحب أقول كان نفسي اليوم يكون أحسن من كدا بس قدر الله وماشاء فعل
هو أنا والله المفروض جاوبت على تاجين ... بس نخليه البوست القادم إن شاء الله
ومتأسف للناس اللى بعتوه على التأخير ..لإنشغالى بعض الشيء
والبوست دا هيكون بداية
لسلسله من أشعار مجموعه من المدونين والشباب اللي نعرفهم على النت
اللي عندهم الموهبة كتابه الشعر .. سواء الشعر العامي الحر .. أو الشعر النظامي
أو اى شيء حلو ممكن يتسمع
فقلنا إن مش الكل بيحب يقرا الشعر الأيام دا
بس لما بنخرج الشعر دا في صورة مسموعة أو مرئية بيزيد الإقبال والناس بتحب كدا حد معاي في النقطة دي الكل معاى الحمد لله
أو ممكن تقول زى ما أتعلمنا في التنميه البشرية إن الناس فيها اللي سمعي أو بصري أو حسي
المهم
بلاش نطلع بعيد عن موضوعنا
المدون معتز عادل عند حاجات كتير ..والراجل مشكور مش ممانع نبدأ نشتغل ونعمل حاجات كويسه
زيه بالضبط المدون منذر .. له حاجات كميله خالص
زيه شمس
زيه أحمد سعيد
زيه حمادة زيدان
كتير من الشباب معانا لهم كتابات وقصائد حلوة .. ممكن أنها تخدم القضايا اللي بنتشتغل فيها
وحتى لو برا قضايا الحرية ... لو عن المشاعر .... لو عن الوطنية ... لو عن اى شيء
إن شاء الله مستعدون ... إننا نشتغل ... و نخرج الحاجات الحلوة دي للنور
وأنا منتظركم كلكم
بس هنبدأ بواحد برا التدوين خالص
اسمه سيف ..... حد عارفه ... طبعا مشهور .... هههههههههه
ماشى نسمع كلام الراجل إن شاء الله مرفق صوتي بصوتي
ومع أول قصيدة للشاعر / سيف إلقاء / محمد الشاعر
مبحبش ازعل حد
مبحــبش أبدا أزعل حــد ولا حبش حد يزعل منـى
كل الناس عندى على حــق مظلوم ظالم كلة عجبنـى ولا أحب أكون صاحب موقف وأخاف للـظالم يخصمنى بشوف المظلوم قاعد يبكــى والــظالم شيفة متجنـى لا أرد الـــظالم عن ظلمة وأخاف مالمظلوم ليشفنـى
منا أصلى محبش أزعل حـد ولا حبش حـد يزعل منى
إوعى يا مظلوم تفهمنى غلـط قول إللى فى قلبك طمنــى
وللا يا ظالم تحسبنى معــاك وفى طى كــلامك تجاملنى اسكت بقى خليها فى ســرك واسترها يا رب متفضحنـى يا خوفى لموت من غير تـوبة ساعتها يا رب إبقى سامحنى
قالى الـــــمتزمت يا منافق قلتله حاســـب إوعى تهنى
دى سياســــة ولازم نتماشى وانت الكسبان لو تطوعنــى قوم يالله وفكر فى كلامــــى وقول يا شطان ابعد عنــى وان كنت مفكر انى فى يـــوم راح اقول الحق ابقى قابلنـى
